ЗЭРДУСТ ЭБЫНИ!

ЗӘРДУСТ ӘБЫНИ!

Деғыж

Дуст бызын ыштәкини, тырко боты дуст әбыни,

Мо бәкаш ғарзә шыти, мо бәбе әв, мост әбыни!

Меһмон боме бәты тырк, сурфәсә быјә бәвоте,

Деты һәмсурфә бәбе, ышты вәтәндуст әбыни!

Бо хәлғи бәмәкәси руж дәбәварде де аһи,

Тосә охој бәфаманд огыноән, сыст әбыни!

Андоми сутә вырә гәдә-гәдә сәтиж бәва,

Едоән јарә сәпе, лу бәбе әв, пуст әбыни!

Бәшты сә бәло омәј, авлоди ки дыл бәсуте,

Һампо аһу-зор бәка, чәшонәдәш аст әбыни!

Деғыж, ты һа быкә вәсф Толыши озоди ҹанги,

Бызын, һа шер нывыштән Иомә Зәрдуст әбыни!