ЭВ БЭБЕ НИ ВОТЭШОНЕ!

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 36 голосов)
Изменить размер шрифта Decrease font Enlarge font
image

 

 

ӘВ БӘБЕ НИ ВОТӘШОНЕ!

 

Деғыж

 

Сыфтә мәчити дыләтон, пешы чәј би вотәшоне!

Бо мивә һарде визә до, бо согнә ви вотәшоне!

 

Фик быдә бә һарчи номи, быфам, ым чы сыре жыго,

Бә лонә зәмини кәфшән, каштори һи вотәшоне?!

 

Гирәм шиш бә гыләј вырә, ты огәт ыштә һурмәти,

Мәҹлиси жинсәдә бынышт, пенсә бо пи вотәшоне!

 

Хыдо ноә ғануне ым, һич әғыл ныбу бемоә,

Корпә ки омәј бә дынјо, бәј бәдон жи вотәшоне!

 

Кә бәбе одәм де жени, фәрзәндон чәмә шәҹәрән,

Бесонә мерди ғәбисә бәкаштен си вотәшоне!

 

Чәши сәрут бәштә тикә, чәшдәхыләти мәкә ты,

Де ғәзәни быни лыште әбынин си вотәшоне!

 

Карде быпијо гыләј ко, сыфтә быгәтиш чәј питә,

Сыфтә бәнон чы кәј дивон, рост бәкан ти вотәшоне!

 

Ты һич вахти бо маштәнә омәгәт ыштә дасти кој,

Вахтәдә дастпочә ныбош, әв бәбе ди вотәшоне!

 

Ғырони һанде чәтин ни, бызни бәпе чәј һачәри,

Сады чордә сурә һачәр Әлиф, Лам, Ми вотәшоне!

 

Муғәме бәшәри аваз, толыши офәјәше әв,

Һафт гылә нотисә мандә, до-ре-фа-ми вотәшоне!

 

Деғыжим, чәмә зәмонә озавзијә елми сәпе,

Сәвод унымуты кон хәлғ, әв бәбе ни вотәшоне!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|