ГАРДЭ ТОЛЫШОН - ВИДЕО

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 36 голосов)
Изменить размер шрифта Decrease font Enlarge font
image

ГАРДӘ ТОЛЫШОН

ТМВ-25.07.2016 с.

 

         Чымы азизә быјон ијән һовон!

         Шымә, мәвужи, веј вахти мәседәшон ҹо довләтон кали сијосијон һәхәдә жыго сыханон: фылонкәс гырҹи ни, ермәније, фисонкәс тырк ни, ҹо гыләј фылонкәс лап ҹингәнәје. Чы сыханон мәно ыме ки, һар хәлғи дыләдә, һәмән һакимијәти сәдә ныштә кали шәхсон рә-рә дәгиш кардедән ыштә милли мәнсубијәти, гыләј хәлғи нымојәндә быбонән, ыштәни бәнә ҹо хәлғи нымојәндә ғәзинә едаштедән. Мәсәлән, аз парсәјм вејәзынә одәмонку: Ростијән Әрдоған тырк ни, лазе? Бәмы вотышоне ки, бәле, жәгоје ки һесте, чәј әсыл лазе. Лазонән ки комонин, шымә чок зынедәшон. Әвон есә Гырҹистонәдә жијә чоглә картвели хәлғон гыләјнин. Мандә картвели хәлғонән гырҹијонин, ингрелонин ијән сванон. Әвон жимон кардедән чы Тыркијә кобәсони-шәрғи Понти кәно быә латәдә, лап ғәдимику жыго мысылмонин. Чәвон вејни һәни тыркин, јәне гардән. Чы Тыркијә навконә сәр-вәзир Әһмәд Давудоғлу һәхәдән вотедән ки, чәј пыә Ғәраими (Крыми) тыркән быбо, моәш ермәнијә кинәје. Әв ки манде бә Әлијевон, жыго зынедәм, есә Озорбојҹонәдә һички шәк вардедәни ки, чәвон әсыл кырде. Вотедән ки, Саакашвили ермәније, ымән бә рости мандедә. Әмма чы Гырҹистони навконә сәр вәзир, мәрһум Зураб Жванијә моә һәғиғәтән ермәнибе.

         Ым сыханон бәмы вотәкәси ымышән воте ки, Кырди Фәһлә партијә дыләдән ермәни әсылинә чандә одәмон һестин. “Умумән пегәтомон, - идомәш карде әј, - есә Тыркијәдә жијә кырдон һафто фаиз кырд быә, јәне гардә ермәније”.

         Аз бәшмә сә чавом, ыштән бәштә вотыме ки, ым чы ханихәробәтије! Жыго мәлум бедә ки, одәми ыштә хуни һич әһмијәтыш ни чәј әмәлонәдә ијән жимони приоритетонәдә? Охо, мәсәлән, Әрдоған лази милләткор ни, әв пантыркистә шовинисте. Саакашвилијән һежо антиермәни сијосәтыш бардә. Давудоғлу һич мәсешән пиједәныбе ермәнијон һәхәдә. Чымы азизон, кам мандәбе јодо бекәм султан Һәмиди, са сор чыми бәнав Османәдә ермәнијон ғыр кардә подшо, ермәнијон ғәттоли! Охо чәј моән ермәнијә кинәбе! Әмма Әлијевон һар гәмәсә вотедән ки, һичмәсә, әвон тыркин, гуја бә тырконән хыдмәт кардедән. 

         Хыдотәрәфә бывотомон, есә Озорбојҹонәдә һакимијәти сәдә ныштәкәсон вејни бы чандә да сорон дыләдә, һәлә Сәвети һукмти вахтику жыго, татон, толышон ијән ләзгијон быән. Мәсәлән, Нәриман Нәриманов татбе, гурбәгурә Мир Ҹәфәр Бағыровән татбе, Вәли Ахундов ијән Ајаз Мутәлибовән татин. Са-са жыго мисалон бәбе варде.

         Һа чымы азизон! И ләз жыго фәрз быкәмон ки, ыштә әсли бә һәшә жә одәм вејәзыне, әв бо вәзифә хото ыми кардедә. Ыми де тәһәри сәрәсе бәбе. Әмма жәго одәмон бә ҹо идеологијә хыдмәт кардеәдә, ыштә әсыли гырд бә һәшә жәјәдә, быми чич бәбе воте? Гыләј мисал бијәм бошмә. Тыркијәдә пантыркизми ән јолә идеологон гыләјни Зија Гејалпи әсыл зазабе, јәне әв дејләмибе, чәмә һәмвәтәнбе. Әмма ә золыми зоә гыләј идеологијәш сохте ки, әв ҹәми ироныжә хәлғон дышмене!

         Есән Озорбојҹони һукмәтәдә ыштә әсыли бә һәшә жә чандә толышон ко кардедән. Чәвон дыләдә һәмә толышон чок зынә фәмилијон – Әслановон, Мирсалајевон ијән ҹо фәмилијон одәмон һестин. Охо ки бәвоте ки, әвон толышин?! Ком толыш пешт бәзне басте бәвон?

         Ијо бәчымы јод омәј фашизми кали идеологон. Мәлуме ки, фашистон дыләдә кали јәһудијон һестбин ки, әвон һәммәјсә веј әләтәш бәбин бо јәһудијон хуни! Чумчыко әвонән гардәбин, бәштә алман вотедәбин! Әве пусты-лу бедәбин ки, алманон бәвон сәғби бывотын! Чәвон гыләјни Адолф Ајхманбе. Чәј бә пештә быә антисемитон дыләдән чандә гылә ыштә әсыли бә һәшә жә јәһудијон һежо быән, есән һестин.

         Чымы азизон, есә виндедәшон чы чочинә коон бедән де хәлғи? Һәмән һәммәјсә јолә чочинәти бымәдәј ки, жәго гардә одәмон һәммәјсә јолә дышмен бедән бәштә ыштә хәлғи!  Әве чәмә толышон вотедән ки, тырк ыштән чоке гардә толышисә! Хәлғ дешты хәлғи дышменән быбо, де әсыл дышмени димбәдим оме чоке, некники де гардә, бәчәј тәрәф оваштә ыштәкини! Мисал бијәм бошмә. Мәсәлән, Бизанси чандә гылә подшо ермәни быә. Әмма Бизанси һежо дышменыш зынә боштә Ермәнистон.

         Ҹо гыләј мисал: Османи султанатәдә ермәнијон тәғиб кардеәдә, һәммәјсә веј дастпочә быәкәсон гардә ермәнијон, кырд ја тырк быә ермәнијон быән!

         Әфа, бы незони гыләј толышышон тәјин карде Дылә Коон вәзарәтәд бә јолә вәзифә. Һа чич быбу? Шымә јәне бовәон һесте ки, әв бәштә толыш бәвоте ја бә толышон зынгыри хыдмәт бәка? Ај кардыше һа! Һәлә ҹо мәсәлон бынәмон бә кәно, һежо һәмон ружи әј бәтожнен чәј вәзифәо. Әве ә шәхс чанә зуш һесте, бәпе ҹанг быкә бә толышон вәјнә ки, әј вәзифәдә огәтын! Јәне шымә шәкон һесте быми! Быдә ныбу, чымы хосә хәлғ! Жәләвонә толыш тыркисә веј дышмене бо толыши!

         Чыјо жыго мәлум бедә ки, хуни һич ролыш ни одәми сијоси әмәлонәдә. Жыго мәлум бедә ки, гардә одәм веј хәтоманде боштә хәлғи, некники чә хәлғи ыштә нымојәндә! Ыми чок-чоки огәтән ыштә јодәдә, чымы азизон!

         Елмәдә бә гардә одәмон мутант вотедән. Жәләвонон ән чокә нымојәндә Боку университети кафедрә мудир, профессор Анар Искәндәрове! Јодәдәонбу, бы навони гәпымон жәбе бошмә чәј һәхәдә. Ки бәвоте ки, әв толыше? Ком толыши зывон бәгарде ки, жәго сыхани бывоты? Бәштә толыш вотә, ыштәни толыш зынә һич кәс толыш әвотни бә жәләвони! Һәмән жәләвон һар гылә пантыркистисән јолә дышмене бо толыши!

         Һа чымы азизон! Есән боән иҹо фик быкәмон ки, чич бәбе карде, чич быкәмон де гардә толышон? Ијо бошмә мисал бијәм кали Әмерикә сәргозәштә кинофилмон. Бә филмонәдә одәм мутант беәдә, әј бә гуллә жәјдән, јәне демијән вотедән ки, һич чорә ни бо жәләвони! Интаси филм ҹо чије, реал жимон ҹо! Ыштәнән әмә бә нәзәр быстәнәмон ки, мутанти заһирән тәјин бедәни карде. Жыго дијә кардедәдә, әвән һежо бәнә бәмә гыләј одәме, жиједә ҹәмјәтәдә. Ади одәм чокнә бызны ки, фылонкәс мутанте, јәне гардә?

         Әве, әмә мәҹбуримон тов бијәмон. Әмма чокнә? Чымы азизгирамијн! Шымә јодәәдј ки, дәвардә бәрномәдә аз гәпым жәј бошмә хәлғи дышменон һәхәдә. Бәвәдә вотыме ки, ком шәхсон рә егынедән бә дышмени тәлә, дышмен бедән боштә хәлғи. Жәго тәлә рыштәкәсон дыләдә ән хәтомандә одәмон мәһз ым мутантонин! Әвон һежо бә дастпочән ки, һәнијән веј толыши быгордынын, мутант быкән ки, чәвон дастә һәнијән јол быбу. Әве, ымруж вотедәм бәшмә: Һоди быбән жәго гардә толышонку! Емәгынән бәчәвон тәлә! Һәмән иглә гардә толышнку не, гардә татонку, гардә ләзгијонку ијән ҹо жәләвонә шәхсонку ыштә итјоти быгәтән һежо! Әвон һәзо кәрә веј хәтомандин әсыл-нәҹобәтинә оғузи тырконсә!   
         Хыдо ләнәт быкә бәвон!
 Хыдо комәг быбу бәчәмә хәлғи!
         Амин!

Быжијы чәмә хосә хәлғ!

            Быжијы сәбәсожә Толышстон!

Быжијы Толышстони Милли Телевизијә!

 

ВИДЕО: Talyshistan Tv 25 07 2016 _ГАРДӘ ТОЛЫШОН_Мутанты

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|