ОЗОДИ НЫШОНОН - ВИДЕО

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 14 голосов)
Изменить размер шрифта Decrease font Enlarge font
image
 

                Чымы азизә быјон ијән һовон!

                Бовә быкән бәмы, аз әвом ним, бә әломәтонән бовә кардедәним. Хысусән бә әломәтон ки, әвон әкс кардедән реал жимони, бандин бә кали нышонон. Интаси аз озоди нәфәси һисс кардедәм, ҹисмән һисс кардедәм әј бәнә нәҹимә вој. Жыбызын, ә вој вардә әтрәбу шимол кәшедә бәчымы дими, нозә кардедә бомы. Бәштә јод бијән чәмә јолә шаир Әли НасириГиләво”, бәвәдә бәзнешон ки, аз ком вој нәзәрәдә гәтедәм. Интаси чымы вотә во дыјоо гынедәни, әв гынедә чәмә сәрзәмини појтахт Ланконо.

                –Бәгәм озоди бәбе һисс карде де гынијә вој? – бзнешон парсе чымыку.

                –Һәлбәттә бәбе һисс карде, - бәвотем аз бәшмә, - гирәм шымә дастәдә ғојмә дастәвуз һестебу!

                Чымы азизон, зинә һежо чы мәсәлон һәхәдә гәпым жәј дечәмә гыләј сипириши.

                -“Ым веј чочинә које, - озик омәј әв. – Охо азән бовә кардедним бә әломәтон, нышонон. Әмма есә һәни бовә кардедәм. Чумчыко кам одәм бәнә бәмы хәбәдо бәзне бе бы песохтә довләт Озорбојҹонәдә быә вәзјәтику. Чәјо әј идомә кардыше бәштә гәпи: Чымы балә, - вотыше әј, - бәмы жыго омедә ки, пешынә вахтонәдә аз ыштән нәведәм бо һәмон нышонон! Тикәјән дырыст бывотом, әвон ыштән һаканә омедән бә рестә мандедән чымы чәшон вәдә! Ымһа, ды-се руж бәнав чәсони әштим, дастнымож гәте-гәте нијәтым гәте ыштә дыләдә. Ыштән-бәштә фикым карде ки, бебәшем бә дашт, дијә бәкам бәчәмә бина вәдә мандә електрики посуни: Гирәм кафтејон ныштәбун чәј сәпе, бызын озоди незе. Жәгомән карде, бешим бә со, бәнем дастә-дастә пәрәндон – кафтејон, шорон, кумәкижон ијән ҹо кижон ныштән һәм електрикә посунонсә, һәмән мафтулон сәпе, и дастән со дојдә осмонәдә.

                Чәјо, зишанго ныштәбим, ыштән-бәштә бә думотбим: еһанә гыләј дуст занг быко бәмы, бәвәдә Толышстон озод бәбе. Жыбызын, чымы дылыш һанде! Ләзи дәныварде, занг омәј бә телефон. Ҹәвобым дој. Бәнем чымы дусте.

                Ымруж маштәвони бешим бинао, нијәтым гәте: гирәм соәдә мандә автомобили нави шишәсә пәрәндә зыл бывиндом, бәвәдә чымы орзујон бә вырә бәрәсен. Бешим, омәјм бә нез, дијәм карде, бәнем машини нави шишә гырд зыле!

                Чәјоән чәмә сипириш дылисыхт хәјли сырәј, едјәсәј бәмы, вотыше: -Һа чәмә хосә Лејла балә, ты жыго фикир мәкә ки, бы синәдә чы мерди ағыл дәгижијә! Шык бә Хыдо ки, ағылым ыштә вырәдәј! Чымы ахирәти һовә, һар гылә толыш чәмә хәлғи озоди анә мы быпијоше, анә чок-чоки умуты Озорбојҹони вәзјәти, әјо ијән чәмә регионәдә шә просесон, бәвәдә әвон һәммәј бәвинден озоди нышонон! Бә озоди бешеро, әбе ты әј дылисыхт быпијы, чәј орзувони быбәј, шәв-руж де орзу быжији! Чәмә Деғыж ыштә гыләј ғәзәләд нывыштедә ки, “озоди Халығи ранге”. Әнҹәх дылисыхт бә Хыдо имон вардәкәс бәзне ым ранги винде! 

                Ты ыштә јодәдә чок-чоки огәт: Нышонә бәвәдә һәғиғәт бәбе ки, реал һодисон чәвонку хәбә быдән! Әмә ым һодисон де дығғәти тәһлил карде-карде жыго нәтиҹәбахш бедәмон! Чыми әмма де хурофоти, әвомәти һич әлоғәш ни! Һәғиғәти бывотомон, мистикә ыштән одәми тәхәјјуләдә бедә.  Јәне, одәм ыштән реал һодисон тәсәввур кардедә мистиғә ғәзинә! Интаси кали одәмон реал нышонон винде зынедән, кали кәсон винде зынедәнин! Чыми гыноән, иминә нубәдә, һар одәми ыштәнәдәј! Одәмон бәпе быфамын ки, әнҹәх дәвардә һодисон ыштә согнә еғандедәнин чәмә сәпе, һәмән һар кәс винде зынедә вәомә һодисон әломәтон, нышонон. Ты ыштән кәдә сәрбәст быныштиш, чок-чоки фикир быкәјш, бәвәдә бовә бәкаш ки, аз һәғиғәти вотедәм бәчәмә хәлғи!

                Бы вырәдә гыләј сојә мисал бијәм боты: мәсәлән, ты есә ныштәш чымы тоно. Фәрз быкәмон ки, аз ыштә чәшон ви быкәм, јәне тыни нывиндым. Һәлбәттә, аз ви быком ыштә чәшон, тыни нибәвиндем! Интаси чыми мәно әв ни ки, демијән ты гин бедәш! Не, һәлбәттә не! Аз ыштә чәшон окомән, ви быкомән, ты һестиш!

                Жимон ҹо һодисонән жәго! Әвон һестин, чәвон әломәтонән, нышононән һестин! Интаси гыләј одәм винде зынедә әвони, гыләјни виндедәни! Әве әмә ымони сәнибәтон-сәнибәтон вотедәмон бәштә хәлғи ки, обун чәј бәсарәти чәшон, әв бывинды ки, чичон һестин чәј гырдо-кәноәдә!

                Әмә ымони вотедәмон ки, быдә һар гылә толыш бызны чы озоди ранги, чәј әтрә буј!

               Ыштәнән, ымијән огәт ыштә јодәдә: Һич кәс ыштә моә лузо вардедәни жыго кејфијәтон. Ымони виндеро бәпе веј баһанди, лап веј! Һәмән бәфоманд быби бәштә хәлғи озоди ҹанги! Әнҹәх де рој ышты бәсарәти чәш обәбе. Аз чандә соронин һәм орзувони бардедәәм ки, чәмә хәлғ иншаллаһ озод быбу, һәмән шәв-руж ко кардедәм ки, озодә Толышстон быбу. Сывој ыми, аз һәмән шәв-руж де идејә жијејдәм, ыштә жимони беәј тәсәввурән кардедәним. Жыбызын, аз де сәбәсожә Толышстони и ҹонимон! Аз дештә һәмә һестемони һисс кардедәм чәмә озодә довләти ијән чәмә хәлғи. Әве аз Озорбојҹони выртивыло бејән һисс кардедәм, чыми нышонон виндедәм. Аз бовәмандим ки, Озорбојҹони выло бе ғануниујғун гыләј просесе, чы довләти бә мәјдон беше ијән жије мәнтығи нәтиҹәје!

                Һа чымы Лејла балә! Ты ҹывонән быбош, жыго виндедәм ки, гәдә-гәдә ышты бәсарәти чәшән обедә. Ым веј шо кардедә мыни. Орзу кардедәм ки, чәмә ҹо ҹывонә зоон ијән кинонән ышты шә рој бышун!

                Сипириши ымоныш воте бәмы, чәј ыштә сәј ошанде-ошанде беше ше.

                Һа бәшмә гири һејран, чәмә хосә толышон! Да дәғиғә гәпым жәј дечәмә сипириши, әмма ым гәпи бәмы анә енержиш дој, һәвәсыш дој ки, чәј бәпештә азән һежо нијәт гәтедәм ки, кејнә чәмә хәлғ озод бәбе. Тикәј чок-чоки дығғәт сәросношон, шымәнән чәмә озоди нышонон бәзнешон винде, сәбәсожә Толышстони әтрәбуј бәзнешон бәштә синә пекәше!  

                Әве, бәшмә мәслоһатым ыме ки, бывиндән чәмә озоди нышонон, һәмән песохтә Озорбојҹони выло бе әломәтон! Чок-чоки бынәвошон, һукман бәвиндешон әвони, бовә быкән бәмы! Чумчыко озоди веј вахте ки, чәмә дыләдәј, һар гылә толыши дыләдәј! Хыдо чәмә хәлғи бәчәј орзу быросны!

                Быжијы чәмә хосә хәлғ!

 Быжијы сәбәсожә Толышстон!

                Быжијы Толышстони Милли телевизијә!

 

ВИДЕО : Talyshistan Tv 22.07.2016_ОЗОДИ НЫШОНОН_ 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|