БЭ ОЗОРБОJЧОНИ ВАJ БЭНЫШТЕМОН !

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 36 голосов)
Изменить размер шрифта Decrease font Enlarge font
image
 
 
 

 

БӘ ОЗОРБОЈҸОНИ ВАЈ БӘНЫШТЕМОН!

 

 

Деғыж

 

 

 

 

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Ружи бә дынјо омә чиј ружијән гин бедә шедә,

Де Хыдо изни омә чиј һежо Дечәј изни шедә.

Бе Чәј изни офәјә чиј, жәгоән ни бедә шедә!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Вај бә ружи ки, гыләј чиј офәјы бе Хыдо изни,

Нә чәј охој хәј әбыни, һички чәј мојән әзыни,

И руж әв боме бә дынјо, ни бәбе ружон ружони!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Нә Хыдо рајыш доәбе, нә хәбәдобе гыләј ҹон,

Шәјтонон сохте ы довләт, номышон ној Озорбојҹон,

Ым гыләј дәҹҹоли әмәл, сәдәш һежо ныште шәјтон!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Чәј бә дынјо дим омә руж толыши матәми руж бе,

Һејве бе кучәријә хәлғ, толышә хәлғ һежо куж бе,

Жәше ғаппоз бәчәмә сә, чандә мердә зоә ғыж бе!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Дасто ше чәмә сәрзәмин, жәшоне бә гәви ләғом,

Һа жәшоне, кыштышоне, ки гәтыше толыши ном,

Бә сијо пәлу тыкишон ангыл карде хәлғи жимон!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Ружи рост бе сәпо толыш, бәјоныш карде бә дынјо:

Вәсе һәни әмә анә товымон варде бә зылми,

Озоди ҹанги руж омә, марде һесте, гарде һич ни!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

 

Есә дынјо һәмә бешә бәчәмә бы ҹанги тәмшо,

Чандә хәлғон һәдәјонин, чәмә ҹәми дустонән шо,

Деғыж анә бахтәвәре, әв һежо кардедә шој-шо!

Хыдованди, әмә бә Озорбојҹони вај бәныштемон!

Һәрәсон ыштәни бәштә хосә хәлғи һај бәроснемон!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|