Вотедэн ки, чы пэлэнги, ваfи дыл hес бэмэку...

Вотедән ки, чы пәләнги, вағи дыл һес бәмәку...

Вуғар Һәмати

Вотедән ки, чы пәләнги, вағи дыл һес бәмәку,

Һәмә аләм хәбәдоје, хәбә һес чы хәбәку?

Бәнә мәрди һежо мәрдин, ве ҹәсурин, вотедән

Толышон ҹангәдә һич тарседәнин чы ғәмәку.

Бобоки аспи ризон мандән әчәј бандонәдә,

Хәбә быстән, пидә, ә мерди чы банд-тәпәку.

Әмә ды фәхринә јод кардедәмон чәј номијән,

Чәјку бә зу ысә һесте чәмә толшон һәмәку.

Фани дынјоје зымыстон, јолә банде чәмә ро,

Бызынән ки, толышон тарседәнин чәј шәпәку.

Тожә руж бо, һәмә толшон бывотын бәјәнды ҹон,

Быбу шо дусти дылән, дышменијән дыл бытәку.

Бәчмы јод дәшдә Вәтән, виндәш, ижән, һај Һәмати,

Һа руж аз әј хәбә сәјдәм чәмә Каспи ләпәку.