Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | 31 | ||
Рассылка
Оцените содержание статьи?
БОМЫ ТИКӘЈ ВӘТӘНИКУ ГӘП БЫЖӘН
Вугар Һәмати
Ғурбәтәдәм, дылым роһат бедәни,
Ерәхедәм бә рој, Вәтән чидәни.
Валла, боли, тыкум һичи пидәни,
Бомы тикәј Вәтәнику гәп быжән!
Чич һесте, чич ни Вәтәни боғәдә?
Отәш вәшдә чы Зәрдусти ноғәдә?
Чымы дыли, бој, омәгәт доғәдә,
Бомы тикәј Вәтәнику гәп быжән!
Мәсәме ки, һавзә вишон сутедән,
Зоон бешән чы Вәтәно витедән.
Тынән бывот, дијәкәм, рост вотедән,
Бомы тикәј Вәтәнику гәп быжән!
Чоконәје чы толыши вәзијәт?
Ижән дојдән золымон бәј әзијәт?
Сыры һесбу, быкә бәмы вәсијәт,
Бомы тикәј Вәтәнику гәп быжән!
Зоон мәрдә мердон бә јод вардедән?
Бо милләти дылисыхт ко кардедән?
Чәмә быјон ижән јәнды һардедән?
Бомы тикәј Вәтәнику гәп быжән!
Чы Вәтәни һәвәс һесте бәмәку,
Жыго һәвәс бәнине чы һәмәку.
Чәј бандику, чәј марзику, тәпәку,
Бомы тикәј Вәтәнику гәп быжән!
Дывен кардән, һытедәон дарзисә?
Ижәнән ғарз омедә чы ғарзисә?
Бешедәон һич Вәтәни марзисә?
Бомы тикәј Вәтәнику гәп быжән!
Бә номердон бывот, бәмә дард ныдән,
Чәмә ружон ды ҹоәти шәв бедән.
Тыны Хыдо, бә јод дәнә, тожәдән
Бомы тикәј Вәтәнику гәп быжән!
Комментарии (0 добавлено)
Политика и экономика
Интервью / Заявление
