ТОЛЫШ

 

 

 

 

ТОЛЫШ

 

 

  

Деғыж

 

 

 

 

Кам бывот бә тырки быјә, озоди вахте, толыш!

Јодо бекә һәни Боку, Ланкон сәртахте, толыш!

 

Умутән тарыхи ризон, бунән мәнош чиче “тој”,

Хәлләғи-Аләми номе, Хыдо појтахте Толыш!

 

Хыдо офәјәше ым хәлғ бәшәри гофејәдә,

Дејоки вахтику мандә, Мәдо һәмвахте Толыш!

 

Охо и`ронимон әмә, чәмә хунән кавије,

Умжән мәкән ым хуни ки, нывотын кахте Толыш!

 

Зәрдусти бәштә јод бијән, тәмшокән бә Мығони,

Магон вәтәне ым зәмин, бочи керахте толыш?!

 

Шых Заһиди јолә һыкмәт, Шых Сәфи тижә ғәләм,

Бобоки барзә ғәләје, Исмојли тахте Толыш!

 

Һитлери ҹангыш елон кај, ше бә даве чандә мерд,

Авә ки омәј бә осмон, һежо сәрвахте толыш!

 

Бијән ым тарыхи бә јод, рост быкән сыә пәрчәми,

Вахтымон ни чәш быкәмон, танги-бевахте, толыш!

 

Ыштәни ғарзхо мәзынән, мәбән һич кыртәзывон,

Ғарзхо ни бә һички Толыш, ғарзы пәрдахте, толыш!

 

Һуррәҹ быкән бә Кәрбәло, һәхи сәј вахтыш омә,

Сәдокән Имом Һусејни, ҹиһоди вахте, Толыш!

 

Деғыж, әјво быкә дардон, окә ты кәш-пәр ижән,

Ҹывонон ки жыго рост бән, гырд һәрәбахте Толыш!