МЭДО

 

 

 

 

 

 

 

 

 

Мәдо

 

 

 

 

 

 

Забил Мәдож

 

 

 

 

 

 

 

Һа чымы сәрзәмин Мәдо, шинә ди,

Чымы әнкә- бәнкә, чымы инә ди,

Мердә сонон вырә, мердә кинә ди,

Ни бәбем быбуш ты шәғолон лонә,

Тыниш че ширә зон, пәләнгон конә.

Сығбаси ғәҹ чымы, Реғәлә чымыне,

Шову, Сипчәкерә, Гамаш демыне,

Велбутон демыне, Савзәпуш мыне,

Ты бәбеш толыши ерандә шонә,

Тыниш че ширә зон, пәләнгон конә.

Һәләјнә ышты кут һыри егәтә,

Ышты һавзә даштон быри егәтә,

Овдонә кәфшәнон мори егәтә,

Әјо шәғол жәјдә бә шири тонә,

Тыниш че ширә зон, пәләнгон конә.

Руж бәбе че бандо гемыж фу бәкај,

Хәшәлон во бәдој, тани ну бәкај,

Ышты шә сијо хови, һани ни бәкај,

Һавз бәбеј, бебәше тумҹори донә,

Тыниш че ширә зон, пәләнгон конә.

Де дастә баһанден, шорон, былбылон,

Ож бәкај Ғәндәро ројсә чанд вылон,

Бәрәсен бә ноҹә чанд һәзо дылон,

Шо бәбе, бәһанде чанд кә, чанд хонә,

Тыниш че ширә зон, пәләнгон конә.

Ыштә- ыштән кәдә хыванд бәбемон,

Бо дустон, бо һәмрон ованд бәбемон,

Пештбәпешт бәдомон сығ, банд бәбемон,

Дешмен беныбәкај бәвәдә ҹонә,

Тыниш че ширә зон, пәләнгон конә.

Һәләјнә ыштыку дијәро егынјәм,

Ышты бә озоди шә ро егынјәм ,

Әве ыштә бумо тәро егынјәм,

Букузизә кардәм, ботом бә вонә,

Тыниш че ширә зон, пәләнгон конә.