Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ДЕҒЫМ ПИЈЕДӘ
Деғыж
Бо пешоме чәмә банди һонијон овым пиједә,
Бәштә бы орзу рәсејро Хыдоку товым пиједә!
Чы мәһоли һар вырәдә һесте чандә гылә һони,
Чанә пешомом ов ијо, Барзәву новым пиједә!
Мыни һич ҹојли һаштәнин, осә ғандедән толышон,
Бәвон һәммәј ғыбоним аз, авлодон, һовым пиједә!
Мышти хоко офәјәмон, ижән бә хок бәше һарки,
Бәмы лозим ни ҹо зәмин, Толыши хокым пиједә!
Кејнә ки Һәши бешедә, дыли пиједәше согнә,
Мучәкон дојдәнин әмон, чәмә кәј сывым пиједә!
Кали кәсон вотедән ки, пыло һар вырәдә пылој,
Вотедәм, дард пыло дард ни, чәј сәпе мывым пиједә!
Чанә боһојнә хорәкон бәһомән кон мәһоләдә,
Әрәсни бә Инә патәј, чәј пијоздоғым пиједә!
Быши бә выжор вотедән, дыли пијә мивә быстән,
Кон вырәј мивә бәһомән, Зујәни боғым пиједә!
Вотедән, ыштә ноғнәсә обәкырне һарки зили,
Ачинин ијо кочонән, Һыледә ноғым пиједә!
Деғыж, ым жимони кәрвон чанә бәше, Хыдо бәзне,
Чы рој охонә мандәҹо мы чәмә Деғым пиједә!