ШИНЭ БО!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 34 голосов)
Изменить размер шрифта Decrease font Enlarge font
image

 

 

 

 

ШИНӘ БО!

 

 

 

 

Деғыж

 

 

 

 

(Бә Әли Насири номә ҹәвоб)

 

 

 

 

Зинә сәме ышты номә, Шинә Бо!

Дарди сәпе дардым омә, Шинә Бо!

 

Ышты доә зәһән бомы шине,шин,

Бәмы вотә гонә сыхан ангивин,

Шеронән ки толыши шери бәшин!

Толыш охо Ты пекарде, Шинә Бо,

Дарди мыныш шаир карде, Шинә Бо!

 

Аз норозим Толыши шаиронку,

Дештә ләһҹә пеғандә маһиронку,

Чымы гужди екардә тарифонку!

Ты бәчымы јоды варде, Шинә Бо,

Дарди мыныш шаир карде, Шинә Бо!

 

Бәпе әмә һичи бә нав нышәмон?

Һарки ыштә ләһҹәку дәчыкәмон?

Ым зывони дибәди бахш быкәмон?

Жыго зылми ки бәкарде, Шинә Бо?

Дарди мыныш шаир карде, Шинә Бо!

 

...Гыләј ҹывон мысоһибә дојдәбе,

Ыштә сәјсә јолә гәпон жәјдәбе,

Жыго бызын, тағарсбе әв, војдәбе!

Ыштән-бәштә ғәһрым карде, Шинә Бо,

Дарди мыныш шаир карде, Шинә Бо!

 

Парсәјн чәјку: -“Бочин анәдә ләһҹон?”

Вотыше, “нин мыкәммәлә луғәтон,

Чики хоки екән бә сә шаирон?”

Бәчымы сә дынјо гарде, Шинә Бо,

Дарди мыныш шаир карде, Шинә Бо!

 

...Ружи бәнем, һәни бәмарде зывон,

Жыго бышо, хәлғ бәманде безывон,

Бо чәш карде вахт ныманде, һәрәсон,

Дастоным аз бә пе карде, Шинә Бо,

Дарди мыныш шаир карде, Шинә Бо!

 

Сыфтә-сыфтә нывыштыме луғәтон,

Де зылләти гырдәм карде сыханон,

Вотем һәлбәт перохниме ым зывон!

Ком шаири луғәт һанде, Шинә Бо?!

Дарди мыныш шаир карде, Шинә Бо!

 

Шаир бәпе сәрроф быбу зывони,

Сохтәнине әв әдәби зывони,

Чандә шаир арыштедә зывони!

Дыли һәни тов ныварде, Шинә Бо?

Дарды мыныш шаир карде, Шинә Бо!

 

Һар гафијә гәтәкәсон шаир нин,

Ҹо хәлғонку жыгонә тәһрифон нин,

Гафијәро зывони кыштедәнин!

Чанә бәбе тәһриф карде, Шинә Бо?

Дарди мыныш шаир карде, Шинә Бо!

 

Һич шаири номијән гәтедәним,

Бә һич кәси дылијән гынедәним,

Веј кәси мы һич шаир зынедәним!

Вәсе ыштә дылым һарде, Шинә Бо!

Дарди мыныш шаир карде, Шинә Бо!

 

Вотедәним, ғәләми һәммәј бынән,

Вотедәм ки, зывони чок умутән,

Шаирәти боштә шән һисоб мәкән!

Шаир охо Хыдо парде, Шинә Бо!

Дарди мыныш шаир карде, Шинә Бо!

 

Нывыштедәм аз шери тарсе-тарсе,

Тарседәм ки, Хилгәти даст бәларзе,

Вәлиша ғыјз бәка, мыку бәпарсе:

-Ым чарчивә чыјо варде, Шинә Бо?!

Дарди мыныш шаир карде, Шинә Бо!

 

Чандә соре вотедәм бә шаирон,

Јодо бекән ыштә ләһҹон, гафијон,

Гафијәро тәһриф мәкән сыханон!

Тәһриф бе-бе зывон марде, Шинә Бо!

Дарди мыныш шаир карде, Шинә Бо!

 

Бә Деғыжи ғәзәлон чок фик быдән,

Сыханон чок умутән, бынывыштән,

Чанә бәбе воте, зывони ғәдри бызнән!

Дыл вотеку гырд канд-канде, Шинә Бо,

Дарди мыныш шаир карде, Шинә Бо!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|