АЗ НЕЗ ОМЭJМ, БЭ hИЧКИ ГУЖД ЭРЭСНИ!

АЗ НЕЗ ОМӘЈМ, БӘ ҺИЧКИ ГУЖД ӘРӘСНИ!

( Гуләғә Мәммәдов Һавзәвујәдә )

Гәпыш жәј Исмаил Шабанови

         Хыдо рәһмәт быкә Гуләғә Мәммәдови, әв рә-рә әвој бәчәмә Һавзәву.  Ҹәматијән анә веј әпише әв ки, оменҹән, гыләј пәс әкыштин боәј, јолә шоткомә әгәтин. Ружи ижән әв омәбе бәчәмә ди. Ҹәмат гырдә бе бәчәј сә, шин бә Гамо. Чәмә аму рәһмәтмандә Нәвузән әјобе. Нәвузән гыләј барзәболоә мердбе, гыләј пәси ҹәмдәки ҹојлинә әһәј! Әв фәғыр-фәғыри  мандәбе кәноәдә. Гуләғә воте, зә, Нәвуз, кәноәдә бочи мандәш? Нез бој, пәси сәј обырын. Нәвузән зынедә ки, нез бо, чә пәсо бә ҹо һич кәси и рығән әрәсни. Әве пијејдәшни нез бо. Гуләғә һәкәм мандедә, мәҹбур кардејдә ки, Нәвуз бо, обырны пәси сәј. Нәвуз обырнејдә пәси сәј, дәмандејдә әј  бо пуст карде. Гуләғә вотедә ки, һы, шымә пуст быкән пәси, аз тикәј быныштым бә ов, есә омејдәм. Гуләғә шејдә, ымонән пәси гужди анҹејдән, патејдән әј. Мыддәти дәвардејдә, Гуләғә ово бешедә, омејдә ки, пәси гужди бәһә. Нез ки омејдә, виндејдә ки, пәси иглә астон мандән. Чочәши дијә кардејдә бә Нәвузи. Әвән гынокор-гынокори евә жәјдә ыштә сәј, вотејдә: -“Вотымехо, быдә аз нывом. Аз омәјм, бә һички һичи нибәрәсе!”

ВИДЕО : Гулаға Мәммәдов - Чәмә Ланкон (Bizim Lәnkәran)_ 1976