БАhАШТ, ЧЭJ НЭНЭ ГУРИJЭН БЫСУТЫМ!

БАҺАШТ, ЧӘЈ НӘНӘ ГУРИЈӘН БЫСУТЫМ!

Бәһмән Салеһ

         Ружи дәвәт кардышоне Мерзо Нәсир бә Шәки бә вәјә. Кәхывандијән де кинә вотышоне:

         -Әмәнән омејдәмон.

         Мерзо Нәсирмон бә вәјә бәвәдә рәсәјн ки, вәјә шинә вахтбе. Кәсојб беше бәчәвон вә, нав Мерзо Нәсири мач кардышоне чәј жен-кинә. Мерзо Нәсир бәне чәј кәхыванди бекардыше дастмол моләше ыштә дим. Ын диммачоне гыније бә Мерзо кефи. Жыбызын, ангыштәшон пекујәј бәј. Бә ком жени рәсәј, дәвәнго гәтыше әв, мач кардыше. Кәхывандыш дәваште гәтыше Мерзо Нәсир: “Зә, ты чич кардејдәш, хәлғи жен-кинон бочи мач кардејдәш? Ајбе, диндорә одәмиш, ныможбывотиш, һәромә ко гәтејдәшхо”! Мерзо вотыше:

         -Кинә, баһашт, чы сыпә зоон ҹәвоби ибәды быдәм. Чәвон гурым сутә, баһашт, чәвон нәнә гуријән бысутым!