ЭЛОЛОН

ӘЛОЛОН

Деғыж

 

Аз бандим бә былбыли,

Былбыл банде бә выли.

Бәмә баис быәкәс

Бымарды бә һыл-һыли!

 

Былбыл ныштә вылисә,

Выл бә нозе чы хосә.

Баиси кә хо быбу,

Сығ ныманды сығисә!

 

Толышә былбыл һандә,

Чәшоно арс ру кардә.

Јад дәрәседәни әј,

Чәј зывон конҹо мандә?!

 

Аз ашығим пыә рој,

Зоә бәше пыә рој.

Фәр дијә бәка бә пә,

Бефәр бәше ҹоә рој.

 

Дарди дыләдә гиним,

Дамә мәкә, ғәмгиним.

Јар ғысмәт бе бә һампо,

Бә һышк гыније һоним!

 

Дардон лонәј чымы дыл,

Дардику әв бә һыл-һыл!

Сәрзәмин бешә дасто,

Ҹо һәво һандә былбыл!

 

Аз ашығим бә кәшә,

Бызын чичоным кәшә!

Пәвәндим омәј беше,

Дыл ныманде бә кәшә!

 

Ымруж шәбим бә һони,

Едјәсәјм бә нијони.

Пијә кинәм де һампо,

Аз охлиҹ бәштә ҹони!

 

Бандон бандин бә банди,

Банд банде де хыванди.

Бесојбин чәмә бандон,

Бә чәшин ыштә ханди!

 

Аз ашығим сәрзәмин,

Јадон һастә сәрзәмин!

Толышон бон бә ғырјәт,

Вәтән быбу сәрзәмин!