АЗ СУТЭ КЭФШЭН, ЭВ ХОСЭ ЧИМЭНЗОРЕ

 

 

 

 

 

АЗ СУТӘ КӘФШӘН, ӘВ ХОСӘ ЧИМӘНЗОРЕ

Бәхтијар Рушин

 

 

Аз сутә кәфшән, әв хосә чимәнзоре,

Аз виронә позим, әвән новбоһоре!

 

Әв ешғи султане, аз фәғыри-ночор,

Сыхан чәј сыхане, ғәрор чәј ғәроре.

 

Һар кәс дештә пәвәнди вотдә, сыредә,

Чымы ғысмәт һиҹрон, ијән интизоре.

 

Шәһри-Ланконәдә гыләј һурим винде,

Хош бә шәхси һоли, ә кинә чәј јоре!

 

Толши мәһолдә һар вәхт окардә сә выл,

Виндәкәсон вотдән, Толыш выләзоре!

 

Һич кәс фәхр ныкә, ҹаһи-ҹәлалыш һесте,

Һар кәси рузи быдә пәрвәрдигоре.

 

Аз ыштә дыли дардон бо Һоҹи вотдәм,

Чумки, нығлә мәтләбон әв хыридоре.

 

Ым ғәзәлым һанде зинә бо Акифи,

Воте, ышты ғәзәл бәмә јодигоре!

 

Азән кәштәм һежо гыләј бебәфоку,

Нызнәкәс вотдә ки, әҹәб Бәхтијоре!

 

Изоһон:

Һоҹи – Ҹаһангир Хансыво

Акиф – Дәнзизодә Акиф Меһтәмәнсон