ИНШАЛЛАh !

 

 

 

 

ИНШАЛЛАҺ!

  

Деғыж

    

Руж боме, һа чәмә хәлғ, әмә озод бәбемон, иншаллаһ!

Обәбен чәмә роон, бәштә Вәтән бәшемон, иншаллаһ!

 

Чы дынјо һәмә хәлғон бәчәмә Һалле тәмшо бебәшен,

Деғику бә Кујә ру кәшбәкәш бәдомон, иншаллаһ!

 

Марде-манде ҹанге ым, ије чәмә һәммәј орзу, пијәј,

Марде һесте, гарде ни, ыштә һәхи бәстемон, иншаллаһ!

 

Чандә соре Толыши пәрчәм ни ҹо пәрчәмон дыләдә,

Пәрчәми рост бәкамон, бә Толышстон бәбамон, иншаллаһ!

 

Чәмә моон чәшбәрон, озоди шојә хәбә бә чәшин,

Мыждәвони һозыкән, хәбон әмә бәвамон, иншаллаһ!

 

Бә кеш бешән дејәнды, чәмә ҹывонон шәв-руж бә ҹангин,

Даһаштомон пешт бәвон, јадон әнги бәжемон, иншаллаһ!

 

Гуш быдән бә Деғыжи, дылисыхт бовәкән бәчәј вотәј,

Умдәвомон бә Хыдо, идәгардыш бәкамон иншаллаһ!