Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | |||
Рассылка
Оцените содержание статьи?
МЫНИ БӘШТӘ ВӘЈӘ СӘДО МӘКӘЈШ ТЫ!
Бәхтијар Рушин
Бәмә ым ғәзијә фәләки варде,
Ышты һич гыно ни, ым ты ныкарде;
Чымы дастошон сәј, тынышон барде,
Мыни бәштә вәјә сәдо мәкәјш ты!
Чанә чәтин быбо, вотдәм бәшты дим,
Тыни һоштә ружи аз бочи јад бим?!
Бој мыни чок дәрәс, һәни ышты ним,
Мыни бәштә вәјә сәдо мәкәјш ты!
Чымы сутә дылдә отәш сәмәнә,
Ым доғи бә доғи һәни омәнә,
Бәшты кон ружи бом, оме чы мәнә?
Мыни бәштә вәјә сәдо мәкәјш ты!
Бом, тыни бывиндом фатә танәдә,
Ҹо кәс һәрәбахте ышты јанәдә?!
Тынән чәш бәновнеш бомы чанәдә?!
Мыни бәштә вәјә сәдо мәкәјш ты!
Бом, тыни бывиндом чәшоны арсе,
Ым вәјә вәјә ни, ботыно јасе,
Һолым чокнә бәбе, ым бомы вәсе!
Мыни бәштә вәјә сәдо мәкәјш ты!
Ты пидә “ангыште” мыни ку быкә?
Ты пидә “Вағзали” арси ру быкә?
Ты пидә шәрбәти бомы су быкә?
Мыни бәштә вәјә сәдо мәкәјш ты!
Бәчмы гуш нырәсы чы вәјә сәдо,
Һәмон шәв бә ловәм иглә бә Хыдо!
Зындәним Әв бәмы чы ғәрор бәдо?
Мыни бәштә вәјә сәдо мәкәјш ты!
Бәштә сә ебәкам зәмини хоки,
Зәминдә ру бәбе ды арси поки!
Әгәм карде пидә ты бәмы чоки,
Мыни бәштә вәјә сәдо мәкәјш ты!
Сорон дәбәварден, јодо бебәшем,
Ты ки ханди бәбеш, аз ғәм бәкәшем!
Һаканәј аз бәшты һанән дәбәшем,
Мыни бәштә вәјә сәдо мәкәјш ты!
Веј мәбәм, дард мәкә ты чымы ғәми,
Ым шәһла чәшонән маһашт де нәми!
Бынәјш бәштә зоә ты чымы номи,
Мыни бәштә вәјә сәдо мәкәјш ты!
Комментарии (0 добавлено)
Политика и экономика
Интервью / Заявление
