ШИНЭ БО

ШИНӘ БО

(ғәзәл)

Деғыж

Ышты номәм һанде мы, һич сәнырәсәјм, Шинә Бо,

Ым чы доже, чы шикат? -Мәкә чәмә хәлғи кәј хо!

Шодә ым дарды-дожон, еј чәмә Шаири-Пурғәм,

Хәлғи һурри руж омә, һәммәјәво бәбемон шо!

Мәвот “ҹоным дәжедә, әве кам нывыштедәм шер”,

Ты хәлғи ҹәфокәшиш, һежоән кырнијә чәј бо!

Хыдо дардыш доәбу, Хыдованди бәбе дамон,

Огәт ыштә руфи ки, һышк ныбу чәмә хәлғи до!

Еј хәлғи чәши рушнә, һа Имом Һусејни нәвә,

Ыштә ҹәдди сәдокә, ботыно обәка Әв ро!

Ышты ни һич нохәши, ышты дард Толыши дарде,

Толышон һәни рост бән, дәши бә нав дастәдә чо!

Деғыжи пијәј ыме, әјво быкә ым нохәши,

Баһанд ыштә “Гиләво”, быжи мәмнун, быкә шој-во!