Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ҺӘНИ
ВӘЛИША
Шукрәдәм аз, марде чымы маг һәни!
Жоғшә мынән бәшмә бәдом ванг һәни!
Рушнә ни чәш, рушне чәши чәш быкә,
Рушнә вәше, шеһре дыли вәш быкә,
Вангы-вулә шер ни һәлә, чәш быкә,
Ден сыханон кардедәм аз ҹанг һәни,
Шер бе чоко, бәшмә бәдом ванг һәни!
Шеһри бобо анәдә ки, зор бәпе,
Зәһрику деј дас быкәшо мор бәпе,
Әленгонән бә жи екеј пор бәпе,
Дарзәни чәш бәвдә нәбе танг һәни,
Лап дәвәсә бәшмә әдем ванг һәни!
Һан витедә тожә сыхан пәјдоке,
Га вотедә ым бевәҹе, әв чоке,
Чан вәрәғон рангы-рисин, лек-леке!
Чанә бәжен ранги сәпе ранг һәни?!
Бын горышән ныштә чымы ванг һәни!
Чәш со жедә, ноһәхонән һәх чидә,
Сәм бә бәнә дангә сығи, ләх чидә,
Гижлә гәтә, һар чи бәјо чәх чидә,
Бәчмы гушон ванг омедә занг һәни,
Дуз сәрәсом, бәшмә бәдом ванг һәни!
Ыштә коәдә ном бенышә одәмон.
Де шаирон ныштән әвон, дод-әмон!
Вотдә Шаир, налә жедә тар-кәмон,
Бардә сә-ҹон, чәјку бәмон данг һәни!
Ванги бәчәј рәсдәни һич ванг һәни!