Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | |||
Рассылка
Оцените содержание статьи?
БАНДИ ВӘНӘШӘ
Ханәли Толыш
Бәшмә дыли чокнә дамәј, вардоне
бомыно и дастә банди вәнәшә.
Мәрәкә ағыл-һуш тәмом бардоне,
Одәмон дастәдә манде вәнәшә.
Чымы шестысорә дәвардедәбе,
Оһилән, ҹоһилән биһуш бедәбе.
Һәмә де чәш-бәви хәбә сәјдәбе:
Һәватдән? Бывотән, чанде вәнәшә?
Токјә дәј бынәдә, һалон согнәдә,
Тожә гыты кардә кулон согнәдә.
Амбурон согнәдә, нилон согнәдә
Чынедән, мандәни ханди вәнәшә.
Чәмә барзә бандон зәри-зорику,
Әнәјо дәвардә манги, сорику.
Чывонән пијәјку, әвәсорику
Ыштә тожә шери һандә вәнәшә.
Чы Туклә, Һышкәдә хасондә омәј,
Рәвошин, речинә фасондә омәј.
Мәммәдшаһ, Солтани дастондә омәј,
Бә дылон тожә шәдд ғандә вәнәшә.
Толыш, һежо бә јод дәнә Толыши,
Мәһол ни, әбыни бәнә Толыши!
Бәнә ты, сыфтәку нәнә Толыши,
Ангыле вәнәшә, банде вәнәшә!
2000 с.
Комментарии (0 добавлено)
Политика и экономика
Интервью / Заявление
