Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ӘМӘ ШӘҺИДОНИМОН!
ӘЛИ НАСИР
Һај омедә тыбоно,
Чы шәһидон ғәбоно,
Бо вәтәни чы ҹоно,
Дәвардә ә зоонимон,
Әмә шәһидонимон!
Гуш кор, чәш ку, зывон лол,
Егнәш бә чыл гәзә чол,
Чы дасто доә мәһол,
Вәтән чәмә дин, имон,
Әмә шәһидонимон!
Чы Һусејни дастәмон,
Кофирон бәһастемон,
Ышты һәхи бәстемон!
Ҹәфәримон, Онимон,
Әмә шәһидонимон!
Әмә омон бәшты кә,
Һавзә домон бәшты кә,
Рушнә чомон бәшты кә,
Һич окышјә чо нимон,
Әмә шәһидонимон!
Ирон бәты бо ныбе,
Тырк дәвардә во ныбе,
Чәмә пијәј о ныбе,
Бәшты һоли шо нимон,
Әмә шәһидонимон!
Ныштә ышты бәј сәпе,
Ышты һәлолә кәј сәпе,
Тырк деты бә гәп-гәпе,
Әмә чә кәј сонимон,
Әмә шәһидонимон!
Ләшғәр чәмә ләшғәре,
Попок чәмә сәрвәре,
Мирһәсән шири-нәре,
Зулфуғари боонимон,
Әмә шәһидонимон!
Надир, Зулфуғар боли,
Вәлиһәд, Новрузәли,
Илһам, Рафәддин, Әли, -- (Әлиасәф)
Бәжјә мардон то нимон,
Әмә шәһидонимон!
Вағ пур бә бы со-сомә,
Јавәј лап јавә омә,
Кывин Пәләнгон чәмә,
Дәвонимон, ҹо нимон,
Әмә шәһидонимон!
Ты нәштош, ныкош дәмон,
Вәтәни кајро сәмон,
Әмә ғәбо бәштемон,
Чәј һәхә нидонимон,
Әмә шәһидонимон!
Толыш, кыве ышты ҹәм?
Оғо бә һәммә әҹәм,
Конҹоје ышты пәрчәм?
Әмә чәј ғыбонимон,
Әмә шәһидонимон!
Әмә шәһидонимон!