Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ҺӘНИ ҺИЧ ДАРДЫМОН НӘБИ!
Амјәзо
...Зынг, зынг, зынг!
Пегәтыме телефон:
-Ало!
Танышә сәдо омәј, - Бәле, Биләма! - вотыме.
– Азим, Бојли, зынәј мы?
– Зынәме, бәле! Чы хәбә? Чич һесте, чич ни?
– Шымә ҹони сәғи! Гыләј парсым һесте бәшмә, вахтон һесте бо гәп жәј? Вотем, һәлә бунум, чәмә нәзәрон сәпејәнды егынејдән дејәнды ја не?
- Һәлбәттә! Гушым бәтыкује!
- Охонә вахтонәдә ки Русијә телевизијәдә рә-рә толышон һәхәдә бәрномон дојдән, аз жыго сәрәсејдәм, Русијә һукмәти бы мәсәләдә жыго фәоләти сәбәб урусон һәмон ә һәрби ыштәнәпәри тыркон тәрәфо жә бе. Розиш дечымы фикири?
- Розим, бәле! Һәлбәттә, че толышон мәсәлә Русијәдә ружонәдә жыго фәол бе иглә де һәмон ыштәнәпәри жәј банд ни, ҹо сәбәбонән һестин...
- Не, не, бәмы гуш быдә!, - чымы сыханыш нимәдә пебырније. – Мәһз чә ыштәнәпәри ғәзијә бәпештә Русијә бынычып гордынише ыштә Озорбојҹони сијосәт. Ты бәмы бывот, рост вотејдәм ја не?
- Вотымехо, рост вотејдәш, интаси чы мәсәлә ҹо аспектонышән һесте. Мәсәлә бымәдәј ки, Русијә довләти һестыше ыштә стратегијә, әв һисоб быә бә вәомәј. Бы стратегијә мывофиғ уруси һукмәтән сијосәт дәвонејдә. Һәлбәттә, жәго мәсәлон тәсир зынејдән кардеј бы сијосәти, тәсһиһ кардејдән чәј кали мәсәлон, кали чијон бә нав дәнојдән, калијон тикәј бә пешо дәкыштејдән...
- Зә, хосә Бојлим! Аз коәдәм, вахтым ни, веј гәп быжәным. Бәмы иглә ыми бывот, ыштәнәпәри мәсәлә росте ја не?
- Росте, Биләма!
Сәғбиш воте, телефоныш һәмуш карде.
Ыштә дыләдә вотыме: - Һәни чич бывотым? Хонәхо даһаштәше ыштә лынгон, бәмы гуш дој фикәдә ни. Чәмә толышон, номхыдо, һәммәј жыго вејәзын ијән ағылмандин. Ым бәмы хош омејдә. Әмма тикәј бә гуш дојән һәмрәғ быәбәјн, һәни чы дардымон әби?!
...Зынг, зынг, зынг!
Ижән занг омәј.
- Ало!
- Бәле!
- Азим, һа Бојлим!
- Лап ғәшәнг! Зынәме! Чич һесте, чич ни?
- Ышты хәбә һесте ки, дастәј толыш гырдә быән, пијејдәшоне бәјонот быдән бә Толышстони сәбәсожәти әкс?
- Бочи? Бәвон чы хәбә рәсә? Чы кошон һесте де Толышстони сәбәсожәти? Хорә жәјдә бәвон?
- Һәлбәттә хорә жәјдә! Хәбә ни чән?
- Охо чич вотејдән? Сәбәб чиче, мәғсәд чич?
- Вотејдән, мәвотбән, Толышстони сәбәсожәти идејә тыркон ыштән зыне-зыне доәшоне бә кали толышон ки (әмәни нәзәрәдә гәтејдән һа, бызын!), әвон шодән бә мәјдон ым идејә, Озорбојҹони һукмәтән машки вонә быгәты ки, “Аз пијејдәмбе мухтаријәт быдәм бә толышон, мадәм ки шымә сәбәсожәти думо егынијәшон, бәвәдә ыштә зәмбәрәзоғән әдәним бәшмә”!
- Әмә вотымоне ја нывотымоне, чыми чы дәхылыш һесте бә Илһам Әлијеви бә толышон мухтаријәт дој ја ныдој? Доәкәс бәдоәни, һәни ым вонә бәки лозиме? Бо ком ахмәхон нәзәрәдә гәтә быә ым вонә? Чыми вотәкәс ја ахмәхе, јаанки дышмен! Гыләј чијән быпарсым ыштыку: Кон мухтаријәти вотејдән әвон, “мәдәни мухатријәти”?
- Мәвужи, әве ки һесте!
- Һа, жәгоән зынәме, әвон ја ахмәхин ја әвом! Һәни чичышон воте?
- Вотен, гирәм толышон сәбәсожәти быпијошоне, бәвәдә Илһам Әлијев ғыр бәкарде әмәни һәммәј!
- Вај нәнә! Һежо жәгоән вотышоне?
- Бәле, жәгоән вотышоне!
- Бәпе парсәбәј чәвонку ки, “Хыдоку тарсејдәшон”?
- Һич чәш нәкәјм ыштыку! Хыдоку тарсәбәјн ә шәхсон, һәни Илһам Әлијевику бочи тарсејдәбин?
- Ымијән рост вотејдәш, толышон һәммәј Хыдоку тарсәбәјн, һәни һич дардымон нәби!..