Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ЫН ДЫНЈО КО ЧОКО БӘБЕ?
Һуҹҹәтулла
Шәјтон омә ваште-ваште,
Бочи чәј лынг ты нарыште?
Мәсдәм, ижән кыште-кыште!
Ын дынјо ко чоко бәбе?!
Шә чы Шири вәәш гәтә,
Шири ғыјздә вәәш гәтә!
Морә бә гәв отәш гәтә!
Ын дынјо ко чоко бәбе?!
Һәммәјсә ғојм һәвуш вите,
Кәсы рә ше, вырәш гәте!
Рости сәдә кылош суте!
Ын дынјо ко чоко бәбе?!
Бовнедә һеј әв әмәни,
Тов вардәни дылым һәни!
Чәј чәшоно арс бешдәни!
Ын дынјо ко чоко бәбе?!
Һурмәтыш, зуш чәј пуләдә,
Рәғ-ришәшән устеләдә.
Золым-зындых чы кој сәдә,
Ын дынјо ко чоко бәбе?!
Поры омә, окардә кәш?
Мы пәреәдә моғнәдә бәш!
Тынән бәмы “пит” вотедәш?!
Ын дынјо ко чоко бәбе?!
Дызд мандә чы дызди пешдә,
Тази ваштдә, сывык кашдә.
Ехырчындә һа кәс боштә!
Ын дынјо ко чоко бәбе?!
Чәј ағылыш, зынәш һесе,
Һа ро-ријә зынә кәсе.
Ым вотдә бәј: Корә нәсе!
Ын дынјо ко чоко бәбе?!
Нодуз омә, дузи кије?
Рә песјәкәс нозикије!
Әмә нызнә һәх декије!
Ын дынјо ко чоко бәбе?!
Чанә бәбе һәхи һасте?!
Хунхори ко - хун бәбасте.
Вотдәш: -Вәсе! Гыном һесте?!
Ын дынјо ко чоко бәбе?!
Дышмен јамән зуманде һа!
Чәш быкәнән ијәнды һа!
Мәһол гынјә бәјәнды һа!
Ын дынјо ко чоко бәбе?!