Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
БАРАК ОБАМӘ БӘ ИЛГАР МИЈОНКУЖИ НОМӘ
Ды-се сор чыми бәнав Толышыстони ҹывонә шаир
Илгар Мијонкужи номә нывыштәшбе бә Әмерикә президент
Барак Обамә / БӘ ОБАМӘ НОМӘ /. Чандә
вахтбе ки, чәјку гыләј әсәр-омә ныбе. Бы ружонәдә мәлум бе ки,
охој Барак Обамә ыштә ҹәвобыш вығандә бәчәмә шаири. Номәку
жыго мәлум бејдә ки, корығ кәшәкәс иглә әмә нимон, һежо
Әмерикә президентән чәмә толышон ружәдәј, бә јаһује бо пули!
Ымруж һәмон ҹәвоби едаштејдәмон бә һандәкәсон нәзә.
Илгар Мијанкуж
Илгар боли, сәме ышты номә аз,
Бә сә дәшим: -Пулы пидә мыку ғарз!
Әғандиме, наһаштыше сыпә Рајз!
Вотыше ки, боштә сијо ружи огәт,
Имкон быкә, ты бој бәмы даст быгәт!
Пулым һестбе чымы ҹәми ды милјон,
Харҹым карде: Вәјә, кафе, һузурон,
Һовә, быјә, нез-дијәро авлодон.
Пулым сә бе, бә сә дәбәшеш һәлбәт,
Имкон быкә, ты бој бәмы даст быгәт!
Јолә кинә бә шу доје пидәме,
Телевизор, диван-кресло, миз сәме.
Ҹо кәсән ни језнә, шымә одәме,
Әһаштыним кинәлим быкә хывәт,
Имкон быкә, ты бој бәмы даст быгәт!
Шымә дијәдә һесте гыләј Мубариз,
Чәјку бомы пул сәј бәзнеш бә фаиз?
Һоззо быкәм боштә кинә ҹер-ҹеһиз!
Һампо тоно ныкәшым аз хәҹоләт,
Имкон быкә, ты бој бәмы даст быгәт!
Ым вәзифә ымру һесте, маштә ни,
Лиза бәмы пул харҹ карде һаштәни.
Бандонәдә нәшә-фылон каштәни?
Бывғанд бомы, бәһәватым бә хәлвәт,
Имкон быкә, ты бој бәмы даст быгәт!
Че женику хәлвәт нывыштәм номә,
Бызно әгәм, рост бәбе бәрк һәнгомә!
Де һурмәти: Имзо. Барак Обамә.
Маһашт ки аз быкәшым веј әзијәт,
Имкон быкә, ты бој бәмы даст быгәт!