Кинэлим

  Кинәлим

( Муғамат )

Әли Насир

Кинәлим, ышты чәшон һәсрәти бардәм, кинәлим,

Бәнә соғнә һа чәвон наку давардәм, кинәлим.

 

Ружәдә чан кәси кышдән ә чәшон зындәм ысәт,

Жәғо марде ысәтән орзу мы кардәм, кинәлим.

 

Ты бы зылмотдә гылеј рушнә быдә тожә шомиш,

Бәнә пәрванә һежо бәшты сә гардәм, кинәлим.

 

Ты вылиш бым боғәдә аз һәни һандәм ботоно,

Дышты ешғи бы боғи былбыл огардәм, кинәлим.

 

И кәрә чич бәбе бын тон ты быгордон ә чәшон,

Охо ышты ә чәшон дардику мардәм, кинәлим.

 

Дијә кардәмбу бә коврә - тыни виндәм аз әјо,

Һытедәмбу и мижә һандә вакардәм, кинәлим.

 

Бәмы Мәҹнун вотедән виндәкәсон, чарә ныкош,

Ше-ше Насирә номи јоддә бекардәм, кинәлим.