Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | |||||||
| 2 | 3 | 4 | 5 | 6 | 7 | 8 | |
| 9 | 10 | 11 | 12 | 13 | 14 | 15 | |
| 16 | 17 | 18 | 19 | 20 | 21 | 22 | |
| 23 | 24 | 25 | 26 | 27 | 28 | 29 | |
| 30 | |||||||
Рассылка
Оцените содержание статьи?
СОРОГАРДЫ МЫБОРӘКЕ, ҺА ДӘДӘ!
Деғыж
Бә Толыш хәш омәјш, зуһуры карде,
Чандә толыши чәшоны окарде,
Толыши окышијә чо пекарде,
Бәшты доә Хыдо ғыбон, һа Дәдә!
Сорогарды мыборәке, һа Дәдә!
Иминә толышбиш ијо по гәте,
Бә толышон пыје чәмы омуте,
Дәдә Зәрдусти ғәләмы пегәте!
Тожә Авестә нывыште, һа Дәдә!
Сорогарды мыборәке, һа Дәдә!
Бәмәјш бо Попоки, дыли жәј чығыл:
“Бизанс дује, Тројән гыләј нәғыл,
Толыши ғәб кандә бә нығыл-нығыл”!
Ты бекарде Толыш ғәбо, һа Дәдә!
Сорогарды мыборәке, һа Дәдә!
Мәвот һәни “милләт мыни мәсдәни”,
Толышон тамарзун Бошты сыхани,
Бәшты сыхани дәрәсә сыхан ни!
Бывот, бысыр дештә хәлғи, һа Дәдә!
Сорогарды мыборәке, һа Дәдә!
“Мардәлошон” ше-ше һәни кам бедән,
“Гонә шәлә” нуперәсон кырнедән,
Вәјонәдә бә толыши һандедән.
Лејнә быжән, лејнә, һа хосә Дәдә!
Сорогарды мыборәке, һа Дәдә!
Пеши бә банд, ерәх Ты бы мәһоли,
Чандә шаир ышты холчәје, холи,
Һар гыләјниш мандә бә сыәвыли!
Ид кардејдән әвон ымруж, һа Дәдә!
Сорогарды мыборәке, һа Дәдә!
Вотеш Мәдо Атропати нәвәш ты,
Чандә сорон бо озоди нәвәш ты,
Шест синәдә бо толышон Дәдәш ты!
Быбә әмәни бә Толыш, һа Дәдә!
Сорогарды мыборәке, һа Дәдә!
Дәдә Толыш, нығо быдә ыштәни,
Бо Толыши озоди веј мандәни,
Пејғәмбәри Мәккә сәфә јоддә ни?!
Тәнбур быжән, маһне пеғанд, һа Дәдә!
Сорогарды мыборәке, һа Дәдә!
Деғыжи һынә ни Бәты тариф дој,
Дастош омәј әве, Боты бә дывој,
Умуш бәшты Ҹәдди, бә јолә Хыдој!
Ҹәдды комәг быбу Бәты, һа Дәдә!
Ҹәдды комәг быбу бәмә, һа Дәдә!
Сорогарды мыборәке, һа Дәдә!
Комментарии (0 добавлено)
Политика и экономика
Интервью / Заявление
