СОХЭ БЫМАНДЫ ХЭРЭБОF!

СОХӘ БЫМАНДЫ ХӘРӘБОҒ!

Мирфәјаз Ликмәкани

Һар бәжән бә Толыш Хәрәбоғо мардә
ләш оме хәбә чымы рәһмәтулла Гулнәнә
мәсеәдә, әвоти: “Сохә быманды Хәрәбоғ”!

Сохә быманды Хәрәбоғ,
Бә моон дыли жәјдә доғ!

Һар ружбәмијон виндедәш
Толыш омдә мардә ләш!
Шивән рост бә әрши бәш!
Ах-ноләдәј чан тифоғ,
Сохә быманды Хәрәбоғ!

Толыш асбарддә ҹони,
Хуныш жијо тымони,
Гир додә Толыши сони –
Јәзиди ороғ-тороғ,
Сохә быманды Хәрәбоғ!

Вотдәм, Толышонимон,
Мәзынән меһмонимон!
Вотдән: не, и ҹонимон!
Дәшу дујәвожи лоғ!
Сохә быманды Хәрәбоғ!

Гемыжи вај герә тум,
Пешандше бә борә шум,
Веј јавә гәтше удум.
Боғмон манде беһәлоғ,
Сохә быманды Хәрәбоғ!

Попоки гур сутә бе,
Зәрдусти ҹо мутә бе,
Пинә кыло дутә бе!
Бә дарзән певонјә тоғ,
Сохә быманды Хәрәбоғ!
Бә моон дыли жәјдә доғ!