Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ЧЫМЫ ЗЫВОН
Јадулла Сајад
Ты, һа чымы хошә зывон,
толышә зывон,
Ты, һа чымы моә зывон,
һовә зывон, боә зывон!
Чы зывонон дыләдә, бој,
ты лол мәби,
појмол мәби.
Ты, һа чымы толышә зывон,
хунмән тыниш,
ҹонмән тыниш.
Ты чымы кәј,
чымы хәлғи, чымы ели
суниш, бызын.
бо ҹо кәси телән быбош,
бомы һа вахт шиниш, бызын.
Ты ни быбош,
ни бәбем аз,
жи ғапәзон ви бәбем аз.
Ты гин быбош,
бы дынјоәдә ду бәбем аз,
ыми бызын, әнҹәх дыты
бә зәмини, осмониән
зу бәбем аз!
Ты, һа чымы хошә зывон,
толышә зывон,
диә кардәм, пәртиш јаман,
чы зывонон дыләдә ты
жоғо бочи кыртиш јаман?
Кон-кон јолә мәҹлисондә
бывот, ышты вырә һесе?
Ты, һа чымы хосә зывон,
чы нығылә јарә һесе!
Бә бәркәдә сыхан карде
бывот, бочи ты тарседәш?
Сорон чангдә, әсрон чангдә
гәдә-гәдә епарзедәш.
Бывот, кејнә, кон номердон
бәты ләғы пекушоне,
дамә беәдә гылеј кәлмә
тыншон рә-рә окушоне?
Гофен сәпе
бәчмә балон, бәчмә әғлон
ләјлә бывот шин-шини, бој,
бығанд, баһаст ыштә вәдә
ты ын барзә пәрчини, бој!
Ты, һа чымы толышә зывон,
чымы умри овшум тыниш,
һәши тыниш,
чымы ҹони хәши тыниш,
чымы рушнә, ришә тыниш!
Ты ни быбош,
ни бәбем аз,
жи ғапәзон ви бәбем аз.
Ты гин быбош,
бы дынјоәдә ду бәбем аз,
ыми бызын, әнҹәх дыты
бә зәмини, осмониән
зу бәбем аз!