ХИЛГЭТ - 43

Чәмә чәшрушни:

ХИЛГӘТ - 43

            Чәмә хосә хәлғ! Ымруж ҹәми толышон азизгирамијә шаир-ғәзәлхан, јолә тәғва ијән имонсојб, абруманд ијән тәрбијәјн, хосә инсон ијән Толыши ғырјәтманд Хилгәти мовардә руже! Аз навкоән чандә кәрә вотәме ијән нывыштәме ки, Хилгәт синәдә чымысә рукән быбо, һәм чәј ыштә шәхсијәти, чәј әдәби ијән мәрифәти, чәј зынәј ијән сәводи, чымон һәммәј һәлә бә и тәрәф бынәмон, чәј нывыштә шинә-шәкә ғәзәлон һәхәдә сыхан вотеј шәхсән чымы һынә ни! Шык быбу бә Хыдо јолјәти ки, есә вејин толыши зывонәдә шер нывыштәкәсон. Толыши һестыше јолә шаирон. Бә Хыдо шукур быбу ки, чәмә ҹывонон дыләдән есә вејин ыштә нәнә зывонәдә шер ијән ғәзәл нывыштәкәсон. Дылисыхт бәзнем воте ки, чәвон һар гыләјни һестыше ыштә дасты-хәтт ијән Толыши әдәбијотәдә ыштә мәхсуси вырә! Әве һәм аз ыштән, һәмән чымы зынә толышон, бәзнем воте, һар гыләјни веј пијејдәмоне ә шаирон һәммәј! Чәвон һар гыләјни шер ја ғәзәл гыләј ҹо ләзәт дојдә бәчәмә һар гыләјни! Хыдо комәгышон быбу!

            Әмма ымән һәғиғәте ки, Хилгәти ыштә, номхыдо, бы ҹывонә синәдә, есә чиче, һәлә чандә сорон чыми бәнав дештә истедоди ијән зәһмәти номыш ғәзәнҹ кардә боштә: ТОЛЫШИ ҒӘЗӘЛХАН! Чәмә јолә, сининә, оһилә шаирон вејни Хилгәти лап чәј һәлә ҹывонәти вахтику классик зынејдән ғәзәл нывыштејәдә! Әмә ымруж сәһе бәзнемон воте ки, Хилгәти дештә ғәзәлон ростыш кардә, озавзынијәше чәмә Толышә зывон, појсәш ноә әв! Чәј нывыштә ғәзәлон һандеәдә, чәмәһон һар гыләјни дылисыхт һисс кардејдә ки, чы речине чәмә зывон, чы гәнҹине әв!

            Аз чандә соронин бә ҹәми толышон һәммәј мәслоһат зынејдәм ки,  чок-чоки, тикрор-тикрор баһандын Хилгәти ғәзәлон. Һәмән бәчәј хото ки, деми әвон и кәрән бәләд бәбен бәчәмә зывони речинәти, бә Толышә зывони хәзинә!

            Әве ымружнә ружи бәчәмә ҹәми хәлғи чәшрушни дојдәм ки, чәј јолә шаир-ғәзәлхонә зоә тәвәллуде! Бә һәмә толышон ижән мәслоһат зынејдәм ки, һандәкәсон ижән баһандын Хилгәти ғәзәлон, наһандәкәсонән чанә ди ни, дастпочә быбун, тади быбун бочәвон һанде. Бы ружәдә бә Хилгәти ғәзәлон һандәкәсон “Шојәһандон быбу!” вотејдәм.

            Манде бә Хилгәти ыштәни, бәштә гиј гәтејдәм: Зывоным оҹизе бәј тарифот дојро! Әве чәјку ноҹәм һесте ки, бынывышты, бынывышты ижән бынывышты ыштә шинә-шәкә ғәзәлон, шо быкә чәмә дылон! Бә Хыдоән дывомандим ки, Әј доәше бәчәмә хәлғи жыго гыләј јолә ҒӘЗӘЛХАН!

            Мыборәк быбу ышты тәвәллуд, чәмә һәммәј азизгирамијә Хилгәт! Хыдо бахтәвәр быкә тыни! Умры дыроз, ҹоны хәш, әһволы хош быбу!