ЧОЧИНЭ НЭFЫЛ

Чочинә нәғыл

В. Высотски

Нәғли-нәғли певаштәбе,

Осмони го дәваштәбе.

Гыләј һестбе, гыләј ныбе,

Гыләј дијәроә мәһоләдә

Гыләј чочинә довләт һестбе.

Әјо һарчи мојә номердәти,

Ғајдәш ныбе, ғанунән ныбе.

Ыштән бә ҹанг ше әвәзи,

Подшо бә һарды-пешомбе.

Чангыш дәноәбе бә жени,

Даст кәшдәныбе жени ҹони.

Иглә кинәш, әвән манде,

Бә шу ныше, канә кинә бе.

Зоә ҹо сәнәтыш ныбе,

Ко-сәнәтыш һеј дыздибе.

Чә довләти тикәј бә тон,

Һестбе гыләј ҹо подшоән.

Мәмләкәтдә әмнијәтбе,

Охо подшош бәднијәтбе.

Тожнише һәмә вәзирон,

Еһаштыше мыхолифон.

Чәјо дәманде бо ғо бе,

Воте ни гыләј ко бо карде.

Тикәј бә тон, ҹо мәһолдә

Лап Зәмини орәхәдә

Гыләј подшо, әвән нохәш,

Бе дәво-дамон мардәбе,

Веконыш веј пандәмәбе.

Бәдтинәт веј давекорбе,

Быми-бәј тарс еһаштәбе.

Нотә әвғанди һар шамбә,

Тәһғир әкәј һар дышамбә,

Дынјо гырд әкәј бәштә сә.

Дод әкәј, јаһу рост әкәј:

Чиче, ками кардејдә зәмин!

Һежо дәм әғанди быми-бәј,

Зәһримор әкәј чәвон һардәј.

Әве подшон һәммәј рост бин:

Чәј ныхтә окырне вахте,

Әма ијо гыләј ко һесте:

Дечи ҹанг быкәмон әмә?

Һич авжорымон ни чәмә!

Сәркәрдонымонән кыштә,

Мандә гылонән бемәхә!

Пегордынијәкәс: Деғыж