ХАНЫМ ДЖЭМАЛИ ГАФFАЗИ БЕJНЭЛХЭЛF КОНФРАНСЭДЭ

ХАНЫМ ҸӘМАЛИ ГАФҒАЗИ БЕЈНӘЛХӘЛҒ КОНФРАНСӘДӘ

            Гафғази региони Бејнәлхәлғ институти конфрансәдә мыһозирә һандәкәсон дыләдә бы сәфә гыләј толышә мојнән һесте. Чәј ном: Ханым Ҹәмали. Әв Толыши шаир-әнывышт, тәдғығоткоре. Конфрансәдә әв Толышә зывони, мәдәнијәти озавзијејро ијән Хыдо кәломон толыши зывонәдә бә инсонон роснејро воҹиб быә тәдбирон умуте саһәдә ыштә чандә сорон дыләдә бардә тәдғығотон нәтиҹон һәхәдә мәрузә кардәше. Ханым Ҹәмали дештә жимони һәмро бә иҹо һәшт соре ки бә даст-почән бы роәдә.

            Деми бә иҹо ханым Ҹәмали ко кардејдә Ирони Ислами Республикә шәһр Рәштәдә фәолијәт нишо доә Толыши рәдиоәдә. Ијо ханым Ҹәмали певыло кардејдә Толыши зывони ијән чәј мәдәнијәти һәхәдә хәбон. Ымијән бывотәмон ки, чы рәдио бәрномон певыло кардә бејдән һаруж и саати мыддәтәдә. Рәдио дојемонон әсос унвон Озорбојҹонәдә жијә толышонин. Интаси интернети һымбһымбәдә бы рәдио гуш дој зынејдән дынјо һар вырәдә жијә толышон. Әве есә дынјоәдә веј толышон һаруж де интизори чәш кардејдән Толыши рәдио ефирәдә ханым Ҹәмали һозы кардә хәбон ијән ҹо репортажон.

            Тәсодуфи ни ки, пијо һәхәдәш сыхан окардә быә конфрансәдә ханым Ҹәмали һандә мыһозирә чандә һәзо гылә мәрузон дыләдә выжнијә быә.

            Әмә чәшрушни дојдәмон бә ҹәми толышә хәлғи ки, чәј ғырјәтинә кинә жыго де һәкәми певыло кардејдә чәмә хәлғи сәдо бә дынјо һар вырә! Әмә һәммәј фәхр кардејдәмон де ханым Ҹәмали, бәј орзу кардејдәмон хәшәҹони, дырозәжи ијән јола овандон! Хыдо комәгы быбу, чәмә азизә Додо!