Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | 31 | ||
Рассылка
Оцените содержание статьи?
БО ТОЛЫШӘ ӘҒЫЛОН НӘЗӘРӘДӘ ГӘТӘ БЫӘ “РАНГ КАРДЕЈ” КИТОБ ЧАПО БЕШӘ
ЧӘШОНЫМОН РУШИН! ТОЛЫШОН ҺӘММӘЈ ТӘБРИК КАРДЕЈДӘМОН!
Сыхани рости, бо корпә әғылон нәзәрәдә гәтә быә ын китоб. Интаси чәмә хәлғ есә гыләј ружәдәј ки, чәмә ыштә әғыләтику мәһрум быә пи-пышконән һестин ки, жыго китобон һәсрәти кәшејдән.
Сыхан бә вахти бәкәше, вотејдән. Ружә идәдә шим бә ди ки, чәшрушни быдәм бәштә пыә-моә. Пегәтыме дештә ын китобән ки, идәбахшә бәдом бәштә одәмон. Чымы 74 синәдә быә пыә китоби винденҹән, арс ру бе чәј чәшоно. Парсәјм чәјку: Ышты кинәм вотәјнә парсејдәним, әжо кардејдәм ыштыку, бывот бәмы, чичон дәвардин ышты дыло? Ымијән бывотым ки, дыглә чәш лозимбе ки, тәмшо быкә бы мәнзәрә кәноо. Чымы бә јоли пыә жыбызын и ләзи дыләдә оградәбе бәштә 5-6 сини вахтон, быәбе гәдә әғыл. Жыбызын бә вахтон чәј һәсрәт кәшә гыләј азизә чијышон есә доәбе бәј! Шојвоку бәмејдәбе лап бәнә корпә әғыли! Воте, чымы балә, ын китоби бардыше мы бәчымы әғыләти сорон, бәчымы јод омәјн чымы детобә чоминә синифи мәктәбәдә һандә вахтон. Чымы һич вахти жыго речинә китобым быәни, чымы кинә! Ыштә шојво һич де сыхани вотејән зынејдәним! Охо ым чымы әғыләтику мәһрум быә толыши зывонәдә быә иминә китобе! Әв бә китоби дими даст кәше-кәше вотејдәбе, жыбызын, нозә кардејдәбе де китоби, чокнә ки әғыл нозә бәкарде боштә дыли ән веј пијә гулмәчә!
Һандәкәсон бызнын ки, азән һәмон һиссоным дәвонијәбе иминә кәрә ын китоби бәштә даст пегәтеәдә! Әве мәслоһатым ыме ки, имкон быә һар гылә толыш һич ныбо и кәрә пегәты бәштә даст ын китоби, нозә быкә деәј, чәјоән баһанды әј боштә әғылон, быдә әвон шикилон ранг карде-карде умутын ыштә нәнә зывони!
Бә толышә хәлғи ијән Толышыстони вәомәј де веј јолә уму
Ирадә Мәлыковә
Комментарии (0 добавлено)
Политика и экономика
Интервью / Заявление
