Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ҒЫРОНИ ТӘФСИР
Ајәтулла Mоһсен Гәраәти
Тырки зывоно пегордынијәкәс – Фәхрәддин Әбосзодә
СУРӘ “БӘГӘРӘ”
Ајә 184
184. ﴿أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ﴾
“(Бошмә ружә ғәрор доә бе) мыәјјән ружон. Әмма шымәһон ком гыләјни нохәш јаанки сәфәдәбу, ҹо ружон һәмон ғәдәрәдә (ружә быгәты). Ружә гәтејро инҹор ныбыәкәсон кәффарә доәнинин, гыләј бечизи лузи си кардәнинин. Һар кәс дештә хоши веј чоки быко, бочәј ыштәни чоке. Әмма еһанә бызынон ки, ружә гәте бошмә чоке” (2:184)
Нохтон
◘ Әрәби зывони грәматикәдә че “иф ал”и боби мәнон гыләјни “мијоно пегәтә бе”је. Мәсәлән, лоләти мәно доә “уҹмә” сыхан “ифал”и бобәдә “иҹам” бејдә. Ым сыхан нишо дојдә лоләти мијоно беше. Бы ајәдә быә сыхан “јутигунә” зуј-ғыввә мијоно пегәтә бе нишо дојдә.
◘ Бә Аллаһи әмри тәслимәти гыләј ерже. Гирәм ружә гәте әмр кардә бејдәбу, ружә гәтәнинимон, ифтор окардеј һыкм доә бејдәбу, ыштә ифтори окардәнинимон.
“Мәҹмәул-бәјон”әдә жыго нәғыл кардә бејдә: Пејғәмбәри сәһобон гыләј дастә һәтто сәфәдән ружә гәтејдәбин, һәмән ыштә ифтори окардешон пијејдәныбе. Һәзрәт Пејғәмбәр (с) әвоныш гыно кардеәдә тахсыркор зынәј. Имом Садиги (ә) һамјәше: “Гирәм шәхси сәфәдә ружә быгәто, аз нымож әвотним бәчәј ҹәнозә”. “Тәфсири-Гуртуби”јәдә нәғыл кардә бејдә ки, Һәзрәт Пејғәмбәр (с) Ружәмоәдә Мәдинәо бә Мәккә сәфә кардеәдә, роәдә овыш пијәј. Әј пегәтыше овәғаб бәштә даст ки, мәхлоғ бывинды ыми. Одәмон һәммәј ыми мышоһидә карде бәпештә, Һәзрәти пешомәше ов.
Һар гылә һоләдә роәшы јаанки нохәшинә одәм ружә быгәто, батиле һәмон ружә, һәмән чәј ғәзо бә вырә росне лозиме. Имом Садиги (ә) һамјәше: “Һәтто ыштә корпә шыт пешомејку јаанки ыштә болоәдә быә әғылику фикбәпешо быбо, ыштә ружә ифтори окардәнине. Ым Аллаһи лутфи нышонәје”.
ЧӘШНАВИЈОН
1. Ислами бо һар гылә шәрити, һар гылә фәрди мыносибә ғануноныш һесте. Бы ајәдә роәшыон, нохәшинон ијән пи-пышкон һыкм бәјон кардә быә.
2. Шәроит икәрәмәдә мијоно пегәтәнин ни че һыкми, тәсирон ијән мәнофејон фәлсәфә. Гирәм нохәшин ја роәшы гыләј шәроитәдә ружә гәте зынејдәныбу, ҹо шәроитәдә чә ғәзо гәтәнине. Че ружә чы фојдәку икәрәмәдә мәһрум бе әбыни.
3. Че сәфә мәғсәд ыштән-ыштәнәдә мане бејдәни бә ружә. Бә һәлә мандејро бә сәфә беше зәрурије.
4. Ружә ғәзо гәте хысуси вахтыш ни.
5. Ғыввә че вәзифә шәрте.
6. Фәғырон лузи си кардеј әһками мәтнәдә вырәбәвырә кардә быә.
7. Әнҹәх де һәвәси бә вырә роснијә быә ибодәтон овҹи ијән бә Хыдо незәти сәбәбин.
8. Илаһи сәрәнҹомон ән жинә һәдд воҹиб кардәбыә бо һәмәкәси. Пенә дәрәҹон исә одәми ыштә ихтијорәдән. Ајәдә гыләј вәшјәни си кардеј воҹиб, и кәсисә веј вәшјәни си карде есә бој мыстәһәбә әмәли ғәзинә бә инсони ихтијор вадоә быә.
9. Илаһи сәрәнҹомон бә вырә росније бә Хыдо не, бә одәми мысбәтә тәсироныш һесте.