hА ВЭЛИША!

Разделы

Архив

Пн Вт Ср Чт Пт Сб Вс
1234
567891011
12131415161718
19202122232425
262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 105 голосов)
Изменить размер шрифта Decrease font Enlarge font
image

 

 

 

 

 

 

 

 

 

 

 

 

 

ҺА ВӘЛИША!

Деғыж 

IV

Һа Вәлиша, бышәмон демы бә Банд,

Бынәвәмон Деғи һәммәј бандбәбанд,

Аз быжәным гәпи, ты шер баһанд!

Дечмы чәшон нәзәр сәғанд бә бандон,

Маһне пеғанд, шер пеғанд бә бандон!

 

Тикәј боты гәп быжәным Ликику,

Пиронику, Зујәнику, Деғику,

Һонијонку, чимәнонку, сығику!

Лики ыштән Хыдо гыләј беһиште,

Жыго Вәтән конҹо һест, чики һесте?!

 

Курә дәвард, быши бә Шәғләкужә,

Кагәлонәј, Лујәсәје, Куронбә,

Бә јоде ты, шәбимон бә Мәлобә?

Омәбимон меһмон бә Мәрдани кә,

Чандә гылә немәт һестбе сурфәдә!

 

Рыво дәвард, петат сапе бә бандон,

Банди роон мәтарс һич, Ҹәдди ғыбон,

Бандон чанә речинин, хосә Хыдом!

Толыш һәммәј Лики бандоно беше,

Ыврә чәмә дәдә јурде, Толыше!

 

Сиверсәдә еши бә “Веки һони”,

Искани ов быжән ты бәштә ҹони,

Кәбоб бәһош, ты нибәзнеш һич гони!

“Пыхә толыш”, ә ов веки дамоне,

Чоли ови кыштыше ты, әмоне!

 

Омәјш рәсәјш бә Бобогил, по дәжән,

Нәзри бынә, дыво быкә да бәжән,

Сәвоб бәбе зијорәти ныможән!

Бомы дыво карде јодо бемәкә,

Јодо бекош, чымыку гырәј мәкә!

 

Чылверсәдә ләзи нәфәс быстәниш,

Чајхонәдә искани чај пешомиш,

Һәләмдури әнҹәх јодо бемәкәјш!

Ты чы зындәш, һәләмдурә чај чиче?

Бе һәләмдур чај пенышомош чоке!

 

Едјәс сапе, бәвиндеш Быркандули,

Сару бышош, Выстәне чәјо Сори,

Һиҹо нышош, һукман бышиш бә Сори!

Моәку бә ијо Машалла маму,

Хыдо рәһмәт быкә Машалла маму!

 

Рәсәјш ки бә Озобижони, мот мәби,

Чәј номышон есә кардә Гунәшли,

Ләнәт быбу бы номи ноәкәси!

Һа Вәлиша, тынән ләнәткә бәвон,

Бә Толыши рәғ-ришә пәләкәсон!

 

Пенҹоверсто ешиш сару, Былинәј,

Чәјку бә пе мандә дијән ном Нодәј,

Һынә һесте, чығын быши бә Ламәј!

“Ғаз-66” нырә жәј-жәј петатдә,

Гәдә машин туләдә бандәх бедә!

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|