И СИНЫ МЫБОРЭК БЫБУ, ХОСЭ ТОЛЫШИ РЭДИО!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 6 голосов)
Изменить размер шрифта Decrease font Enlarge font
image

Чәмә чәшрушни! 

И СИНЫ МЫБОРӘК БЫБУ, ХОСӘ ТОЛЫШИ РӘДИО!

            Хосә толышон!

            Ымруж чәмә хәлғи ән азизә иде – Нәвузә ид, Нујә сор! Ымсорнә Нәвузи боәмә һәммәј һәнијән азиз, шин кардә чиј әве ки, ымруж – мартә манги 21-дә чәмә Толыши рәдио (Шушә) бә ефир беше и сор дамејдә!

            И сор бәнав ымружнә ружи ым рәдио дештә иминә бәрномә бә ефир бешеәдә, тәбии ки, чәмә толышон ыштәни арәдә бәј мыносибәт ҹурбәҹур бе: бәгәм кардәкәсән бе, шој-војку кәш-пор окардәкәсән бе, әмма бәгәм ныкардәкәсонән бин! Һәм бәвәдә, һәмән есә әмә гыләј ғејри-ади чиј виндәмонни бымәдә.  Чумчыко инсонон ҹурбәҹурин, чәвон нәзәронән һежо жәго! Һәмән боәмә әсос ҹәһәт чики бы рәдио чокнә мыносибәт нишо дој быәни. Боәмә әсос әв быә ки, чы коон бәзне карде ым рәдио, чокнә тәсир нишо дој бәзне бәчәмә толышон, кон актуал мәсәлон бәно бә мызокирә, ебәдаште бәчәмә хәлғи, кон әһмијәтыш бәбе чәмә милли-озоди мыборизәдә.

            Бә Хыдо веј шукур ки, бы и сори дыләдә ым рәдио кардә кој ыштә бәһрыш доә: шәккокон шәки гынијән, шој-во кардәкәсонән һәнијән веј шојво кардејдән! Ә шәхсон ки, бәвәдә јавә дијә кардејдәбин бәј, умум һесте ки, һәни пәшимон быән, сәрәсән ыштә сәһви!

            Мылхәс, бы и сори дыләдә Толыши рәдио кардә коон сәкыштә быдомон, бәвәдә кали мәсәлон ғејд кардәнинимон:

            1) И сори рәдио бәрномон соф-ошко нишо дојдән ки, чәј редаксијәдә ыштә кој веј чок зынә, һәм чәмә хәлғи тарыхи, чәј есәтнә жимони, чәј мәдәнијәти, зывони, адәтон, әнәнон, чәмә дини ијән мәзһәбон мыкәммәл умутә зоон ијән кинон гырдә быән. Сывој ыми, че рәдио редаксијә һејәт толыши хәлғи милли-озоди мыборизә вәдә мандә вәзифонән лап чок сәрәсејдә, дештә бәрномон чәмә хәлғи озоди руфи тикәјән зуманд кардејдә. Шәкым ни ки, бы рәдио гуш доә һар гылә толыш чыми бәпештә бәчәмә хәлғи гонә еғволи бигонә манде әзыни. Һежо ым Толыши рәдио ән јолә хыдмәте!

            2) Рәдио бәрномонәдә ыштә әкси пәјдо кардә мәсәлон, проблемон әј нишо дојдән ки, чәј редаксијә һејәт гырд озод ијән сәрбәсте. Јәне кәноо һич кәс бәчәвон кој зәб ғандејдәни, бәвон ро нишо дојдәни, мәһз кон мәсәлә бә бәрномә дахил карде лозим бе бәвон мәслоһат дојдәни. Ымән Толыши рәдио окардәкәсон нијәти пок бејку хәбә дојдә. Јәне чәвон мәғсәд бәчәмә хәлғи ыштә зувышкә комәги кардеј, чәј милли-озоди мыборизә һәнијән озавзынијеје!

            Һич шәкымон ни ки, Хыдованди, чәмә хосә Толыши рәдио дырозәжи бәбе, әв дештә ијәндысә мәрағинә ијән рангбәрангә бәрномон чәмә хәлғи һәлә веј шо бәка!

            Бы азизә ружәдә Толыши овҹи һәрәкот ијән Толышпрес информасијә агентәти  чәмә ҹәми хәлғи, хысусән бә Толыши рәдио даими гуш доәкәсон һәммәј номо чәшрушни дојдән  бә Толыши рәдио офәјемонә һејәти, бәчәј рәисон ијән бы коәдә дастыш быә бә һар кәси! Хыдо комәгон быбу! Хыдо шымә кәшә зәһмәти бә зәмин ныжәны! Иншаллаһ, һәммәјәво дастбәдаст быдәмон, иҹо озод быкәмон чәмә хосә хәлғи!

            И сины мыборәк быбу, хосә Толыши рәдио!

ТОЛЫШИ ОВҸИ ҺӘРӘКОТ                               ТОЛЫШПРЕСС

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|