Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | 31 | ||
Рассылка
Оцените содержание статьи?
ВӘТӘНИ
Мирфәјаз Ликмәкани
Зәмини дарди горә бәмедә осмон Вәтәни,
Әнә доғон гынијән, ҹоныш бә нимҹон Вәтәни.
Сә бекарде бедәни чы дардику, Хыдома,
Конҹоје Атропати, че Попоки сон Вәтәни?!
Вотедәмон ки, толыш чәхәдәје, һар вырәдәј,
Әфсусон ки, ни әкә бы дарди дамон Вәтәни!
Дардымон и ни, ды ни, дардику пурхырҹинимон,
Кәшә бә теғинә мафтул дыли мијон Вәтәни!
Вахт һестбе ки, Толыш дастдәнывардә ғәләбе,
Есә әв чангонәдәј, шор кардән һостон Вәтәни!
Толыш бе-бе певыло, јурдыш бедә выртивыло,
Дылым пытыпоә бе, виндәм һоли гон Вәтәни!
Бочи ым кан рыжијән, кәјбонышон быр гынијә,
Кәфшәноныш нише каштгыл, ни гәләвон Вәтәни!
Чәшоном арси ру кај, даст-почәм һышк бе, думотим,
Диәнәван бәнә һонијоныш сардын Вәтәни!
Толышон ружгори дасто бедән ғыр ијо-әјо,
Есә ни са, са пенҹо сор әкә жимон Вәтәни!
Хыдо, Толыш офәјәј, гырдо-кәнош банд де дыјо,
Доје бәј чы дынјо вәјшт – Толышстон Вәтәни!
Бәшмә ғыбон бышум аз, бој һәни хыјә мәкәмон,
Жыго омәгәтәмон дастон, бесәјвон Вәтәни!
Огордынәмон ғурбәто Толыши мәрдә зоон,
Дышмени бәвон огырднәше бә зиндон Вәтәни!
Де Хыдо зуј бәштә даст быстәнәмон ыштә һәхи,
Һозымон Озодиро быдәмон ҹон Вәтәни!
Мирфәјаз вотдә, бызынән ыми, Озод бәнине –
Жыго ғурбинә хәлғ, гирәм һестешбу кон Вәтәни!
18.01.2014
Комментарии (0 добавлено)
Политика и экономика
Интервью / Заявление
