Хыдо рэhмэт быкэ!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 15 голосов)
Изменить размер шрифта Decrease font Enlarge font
image

 

ТОЛЫШИ-МЫҒОНИ РЕСПУБЛИКӘ ХӘЛҒИ МӘҸЛИСИ НЫМОЈӘНДӘ

ЕЛШАД ХАНОҒЛӘНИ ЗОӘ ӘҒӘЈЕВ БӘ РӘҺМӘТ ШӘ!

Хыдо рәһмәт быкә!

            Сори охој-охојәдә гыләјән бәдә хәбә рәсәј бәмә: Елшад Ханоғләни зоә Әғәјев бә Хыдо рәһмәт шә! Кибе Елшад Әғәјев?

            Зынәкәсон зынејдән, нызнәкәсонән быдә бызнын:

            Аз ыштән әј зынејдәбим 1978-нә сорику! Ғысмәт жыго бе ки, ды сор ды манг и вырәдә ко кардымоне деәј. Чә вахтикујән незә дустбимон. Чәмә дустәти дәрәҹә зынејро ыми бывотым ки, Елшади бә рәһмәт ше хәбә бешеәдә, чәмә хыјзонәдә – чымы һовон ијән быјон һәммәј зо-зо бәмән! Бочи “бәмән” вотејдәм? Чумчыко аз ыштән ымруж зынәме. Чымы быјон һич гыләјни дыл омәни ки, бәмы быросны ын гонә хәбә! Чымы рукә быјә бәме-бәме бәмы хәбәш дој, вотыше: “Әмә ышты әтри сәјдәбимон чәјку”!

Интаси Елшад чымы дуст быә вотәјнә нывыштејдәним ын сәсәғи! Чымы ым сәтрон нывыште сәбәб әве ки, Елшад һәмән чәмә Толышә хәлғи јолә ғырјәтмандә зоәбе...

            Елшад Әғәјев әслән Лики ди Нијәвутыжбе, әмма моәку быәбе ғәсәбә Ликәдә. Чәј рәһмәтмандә пыә Ханоғлән Лики номинә мердон гыләјнибе. Фәғыр, тәрбијәманд, покә имонсојб, чокә әхлогсојб, јолә толышбе! Мысоһиб ко кардејдәбе. Һәлә деәј ко кардәкәсон һич кәсику мәсәмни ки, комсә шәхс гыләј јавә сыхан бывоты чәј һәхәдә, ја лыбут печокны чәј барәдә сыхан шеәдә! Елшади рәһмәтмандә моән Јолә женбе – Совети вахтәдә вәзифонәдә кош кардәбе, чәј сәдо омеәдә веј мердон сәдо еәши!

            Елшад ыштән 1955-нә сори бә дынјо омәбе. Пыә-моә игләлибе! Веј сәводин, тәрбијәјнә мердбе. Чокә хыјзонсојб, әғылсојббе. Боку университети һуғуғи факултәш сә кардәбе, рәјонәдә веј вәзифонәдә кош кардәбе. Һәжинә шерон нывыштејдәбе, чокә гитара жәјдәбе.Охонә чандә сорон дырози Лики Шәһрвандәти Вәзјәти Әктон Ғејдијоти идорә рәис ко кардејдәбе. Чәј гыләј покә, һәлолә инсон бе әјони нишо дојро, гыләј жыго мисал бијәм: Бокујәдә чәвон идорә јолон бәј втејдәбин ки, “Елшад, ышты бәпештә Ликәдә и кәсијән әпинише ки, чә идорә рәис ко быкә, чумчыко ты ҹәматы пемужнијә ки, бы идрәдә гырдычып рышвә сәјдәнин. Рышвән ныбо, һички әпинише ко быкә әјо”!

            Ымијән огәтәмон бә и кәно. Елшад Толыши Хәлғи Мәҹлиси 1993-нә сори августи 7-дә дәвардә иминә сессијә Лико нымојәндәбе, һәмән ТМР-и “Конститусијә комиссијә” узвбе! Мәҹлисәдә иштирок кардәкәсон јодәдә быәнине ки, һәм бә ТМР Конститусијә Ғануни, һәм бә Конститусијә комиссијә тәркиби, һәмән бә ҹо мәсәлон даир ән веј ағылмандә, сәводинә тәклифон доәкәс мәһз Елшадбе! Тосә бә Мәҹлиси чәј дыләдә кали шәк-шубһә һестышбе Толыши мәсәләдә. Мәҹлиси бәпештә дыглә кәшыш рәсејдәныбе ки, быпәры! Һежо шој-војәдәбе! Мәҹлиси бәпештә иҹо шимон бә Деғ, рој дырози һежо Толыши довләти һәхәдә мылоһизә кардејдәбе!

            2005-нә сори аз ыштә Инә сори еһсани дој бәпештә Быләбандо бә Боку огардеәдә, машиным ромәј бә Лики дылә. Јолә быјәм хәјли нороһат бе, вотыше, “Тыны Хыдо, бошамон чы хәробәо”! Чандибәчандон, воем, чымы Быјә, жәго пијејдә, еши, чәшкә мыни ијо, аз бәпе бышум, гыләј одәм һесте, бывиндым әј, чәјо бомем пебәгәтем тыни. Мылхәс, ҹондарди рози бе. Машиным ромәј, омәјм огәтыме Елшади идорә навәдә. Бәм кујәј, иҹозәм пијәј, дәшим бә дылә. Ныштәбе ыштә мизи пештәдә. Сәш педој, едјәсәј бәмы, жыбызын дәбијәј манде! Чәјо әште сәпо, омәј бә нав, дастбәгиј бимон. Хәјли жыгоән мандимон, һар дыкәс пурғыбо бимон. Чәј котибә мот-мәтәл мандәбе ки, ым чы које? Де тәһәри ашиш кардыме әв, ныштимон, хәјли гәпымон жәј. Чәјо бешим шим. Пешо се-чо кәрә виндымоне ијәнды. Бә Боку омеәдә омәј чәмә кәј. Вотем, “тарсејдәниш”? Воте, “тарсику дәвардә һәни”!

            Лап бы незони рукә быјәм зангыш кардәбе, сәломыш воте бәмы Елшадику. Воте, әв вотедә ки, “һәни лап кам мандә”!

            ... Мәвотбән, бәчәј умријән кам мандәјбән. Һежо кој вырәдә икәрәмәдә чәј дыли гәтәше, ыштәныш бә һәкими росније зынәшни, асбардәше!

            Хосә толышон! Чәмә һәрәкоти гыләјән узв, чәмә Хәлғи Мәҹлиси иминә һејәти гыләјән нымојәндә ше чәмә дасто! Һәјф чә жәго зоә!

            Хыдо тыни рәһмәт быкә, чәмә азизә быјә Елшад! Ғәбы де нури пур быбу, вырән вәјшт быбу! Хыдо ышты шинә-шәкә зоон ијән кинон ҹони сәломәт быкә! Чанә чәмә Толыши һәрәкот һесте, чанә чәмә хәлғ һесте, ты һежо чәмә дыләдә бәбеш!

 

Фәхрәддин Әбосзодә

Толыши Овҹи һәрәкот                                           Толышпресс

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (3 добавлено)

  • Опубликовано Mirfayaz Likmekani, 30 Декабрь, 2013 23:28:45
    Xıdo rəhmət bıkə! Bebəfoə dınyo Jıqo ğıryətmandə zoon çəmə dasto səy-səy şedə. Mandəyon ğədi bızınəmon!
  • Опубликовано Vuqar Mustafayev, 30 Декабрь, 2013 23:28:45
    xıdoy rəhmət kə, əv çımı yola bibi zuə be(((
  • Опубликовано allahverdi Bayramov, 30 Декабрь, 2013 12:31:36
    Xıdo rəhmət bıko, qurış puri-nur bıbo!

Главные новости

|