Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
КАМ ХЫЈӘ БЫКӘНӘН!
Баләддин Вешо
Димым гәтә бәштә хәлғи, вотедәм,
Бәштә туми, бәштә тәғи вотедәм,
Бәрпо быкән ыштә һәхи, вотедәм,
Ғыјзи бо нопокон тијә быкәнән,
Кам бы кыч-бә кычдә хыјә быкәнән!
Дынјо дими телы быбән, нығә не!
И быбән, банд быбән, һырдә рығә не!
Рост быкән офоти, вошә шығә не!
Ғырјәти бо жије мојә быкәнән!
Кам бы кыч-бә кычдә хыјә быкәнән!
Охо, тарых вотдә, әмә јолимон,
Бобо Атропати мердә долимон!
Есә бочи мутә сәвә лолимон?!
Гур-гури ванг бекән, ғыјә быкәнән,
Кам бы кыч-бә кычдә хыјә быкәнән!
Толыш конҹо һестбу, бәпе ғур быбу!
Рушнәш гызг быжәны, кијәш гур быбу!
Де покә әмәлиш жимон һур быбу!
Бо һәхи барз карде којә быкәнән!
Кам бы кыч-бә кычдә хыјә быкәнән!
Әнәдә вотәме, сывјә ым зывон;
Әслику есјәкәс мандедә јәвон!
Бо, бәштә хәлғи сојб бешу һар ҹывон,
Чәшбәмур әдәјон ғујә быкәнән,
Кам бы кыч-бә кычдә хыјә быкәнән!
Јодо бешдән Мәздо дывон ружбәруж,
Зарди гәтдән чәмә ливон ружбәруж,
Ехроҹ бедә нәнә зывон ружбәруж,
Вәсе, кам ыштәни сојә быкәнән,
Кам бы кыч-бә кычдә хыјә быкәнән!
Бә һыте дасти ше, зуманд дасто ше,
Ләс бимон, сыст бимон, Мәдо дасто ше!
Дәрәс, хәлғ дасто ше, имон дасто ше!
Осәмән, машки фик-фами быкәнән,
Кам бы кыч-бә кычдә хыјә быкәнән!
Дышмен чәмә шојку сәвардә вәһмон!
Ро мәдән, рај мәдән һәни бы сәһвон!
Еғандән озоди һур рој бә сәһмон,
Бо хәј дасто бемәј, быјә, быкәнән,
Кам бы кыч-бә кычдә хыјә быкәнән!