Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | 5 | 6 | 7 | |
| 8 | 9 | 10 | 11 | 12 | 13 | 14 | |
| 15 | 16 | 17 | 18 | 19 | 20 | 21 | |
| 22 | 23 | 24 | 25 | 26 | 27 | 28 | |
| 29 | 30 | 31 | |||||
Рассылка
Оцените содержание статьи?
Дынјо бәшты чәши арси әгынни!
Бә Әли Насири!
Устод, бәме-бәме “Гиләво” маһанд,
Дынјо бәшты чәши арси әгынни!
Мәбәм, чәмә дыләтикон емәғанд,
Дынјо бәшты чәши арси әгынни!
Һежо жәјдә әв бә чокон ном ләкә,
Ноҹинсонро бедә шәрбәт, шин, шәкә!
Бебәфоку бој ты бәфо чәш мәкә,
Дынјо бәшты чәши арси әгынни!
Веј дард мәкәш, бә дыли веј зу мәкә,
Бәме-бәме сијо чәшон ку мәкә!
Бој ты һәдәр чәшәарсон ру мәкә,
Дынјо бәшты чәши арси әгынни!
Осмонәдә авәгурә буредә,
Авон чәмә шој-шоткомә һыредә!
Бәмәкәси әв тикәјән сыредә,
Дынјо бәшты чәши арси әгынни!
Һәзо сорон чәшә миждә дәвардә,
Сығон һоре-һоре ым осјо гардә!
Дәдә Зулфиғари бәфо ныкардә
Дынјо бәшты чәши арси әгынни!
Сыфтәнәку чәмә тале сијо бә,
Шојә ружмон охо конҹо нијо бә?
Чы мәзлумон чәшә арсән дыјо бә,
Дынјо бәшты чәши арси әгынни!
Ки бә дынјо бовә быко, әғыле!
Әчәј сырән нығылонсә нығыле!
Һәнәк мәкә, һәнәкәдә дәғыле!
Дынјо бәшты чәши арси әгынни!
И тоныш веј сарде, и јан Һәшије,
И тоношон сије, и јан вәшије!
Әв бочәмә чәшәарсон тәшије,
Дынјо бәшты чәши арси әгынни!
Чы дынјо кә жыго мәзын бывә кә,
Бә золыми хәјрыш чиче, ловәкә!
Бој ысәтән бә Ризвани бовәкә,
Дынјо бәшты чәши арси әгынни!
22.12 2013, Москва
Комментарии (0 добавлено)
Политика и экономика
Интервью / Заявление
