Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
SOS: ВАГИФ РӘСУЛИ ЗОӘ МУСАЈЕВ ҺӘБС КАРДӘ БЫӘ!
Бә Вагиф Мусајеви озоди!
Бә “Haqqin.az”-и доә мәлумоти бовә быкомон, жыго мәлум бејдә ки, Озорбојҹони Бетәһлукәти вәзарәти һәбс кардәше Вагиф Рәсули зоә Мусајев.
Вагиф Мусајев моәку быә шәһр Ликәдә. Чәј мәрһумә пыә Рәсул һәм Ликәдә, һәм Боку ијән Озорбојҹонәдә, һәмән навконә ССРИ веј выронәдә чокә номыш бекардәбе гыләј хәјмандә ијән сәхавәтинә одәми ғәзинә. Дештә хәјмандәти ијән сәхавәти Вагиф һич бә думо мандејдәни ыштә мәрһумә пыәсә. Хәјли вахт рәһбәрәти кардәше бә Боку “Гуждә комбинати”, 90-ә сорон сыфтәдә назири ғысмәдә јолјәти кардәше бә Әрзағи Консерни. Мыддәти Озорбојҹони Али Совети депутат быә. Дәвардә әсри 90-нә сорон мијононәдә узв быә бә Етибар Мәммәдови партијә “Милли истиглали партијә”. 200-нә сори Етибари партијә сијоһијәдә иштирок кардәше Милли Мәҹлиси сәчынонәдә, әмма партијә дәварде зынәни 6%-нә һәдди. Чәј бәпештә Вагиф Мусајеви тәрг кардыше сијосәт, мышғол бе әнҹәх дештә бизнеси.
Һәмон сајт хәбә дојдә ки, Вагиф Мусајев нез быә де Хариҹи иғтысоди әлоғон вәзарәти екс-назир Ниҹат Гулијеви. Ымијән бывотәмон ки, Н. Гулијев һалијәдә МБВ һәбсхонәдәј. Әве гымон карде бәбе ки, Вагифи һәбсән банде бә Н. Гулијеви.
Сајт һәмән хәбә дојдә ки, Вагиф һәбс кардә быә һәлә и һафтә чыми бәнав. Әмма бы барәдә информасијә дахил быә әнҹәх ымруж.
“Толышпресс” хаһиш кардејдә чәмә Бокујәдә жијә толышонку ки, имкони дыләдә чанә зынејдән, мәлумот быдән Вагиф Мусајеви һәбси һәхәдә. Чәмә нәзәрәдә Вагиф Мусајеви һәбс гыләј веј јолә зәрбәје бә толышон! Чумчыко әв толышон дыләдә ән һурмәтинә мердон гыләјније! Әве ҹәми толышон сәдо кардејдәмон ки, рост быбун бәчәј мыдофиә! Бә Вагиф Мусајеви озоди!