ЫМРУЖ АШУРЭJЕ!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 46 голосов)
Изменить размер шрифта Decrease font Enlarge font
image

 

ЫМРУЖ   АШУРӘЈЕ! 

            Ымруж Ашурәје! Толышон веј вахти быми «Ғәтыл» вотејдән. Чумчыко ымружнә ружи Имом Һусејн (ә) де 72 шуһәда бә иврә шәһид кардә быә Кәрбәло даштәдә! Чәмә «Әһли-Бејти шаир» Әли Насири вотәјнә, ымруж «Кәрбәло мәјдонәдә чан һәзо ләшғәр шедәбе, Дастәдә низәбәдаст Шумри-ситәмкор шедәбе»! Ислами нур, Пејғәмбәри (сәәс) азизә нәвә, че Имом Әли (ә) ијән чәј мыборәкә ханым Һәзрәт Фатимеји-Зәһра (ә) хосә балә Имом Һусејни (ә) дечәј дастә бә иврә шәһид кардејро и һәзо чоса сор чыми бәнав – ымружнә ружәдә Әрәбыстонәдә Ислами ијән Ғырони ҹәми дышменон һәммәј шымшибәдаст, низәбәдаст, тибәдаст быәбин, ләшғәр быәбин, омәбин 72 нәфәри сәпе! Омәбин ки әвони шәһид быкән! Һәзо-һәзо одәмонышон бә даст дәноәбе ки, мәвотбән, Имом Һусејни (ә) ләшғәрыш гырдә кардәјбән, омәјбән бә ҹанг. Әве әвонән омәбин ки, ҹанг быкән де Имоми дастә! Омәјн бәнен ки, нә ләшғәр ни, нәәнки шымшибәдаст ни. Омәјн бәнен ки, Имом дештә сәј дастә бә иҹо мандән бә нымож, ибодәт кардејдән, дыво кардејдән бә Хыдо! Мәхлоғ гыније бәјәнды, веј одәми вотыше ки, ым чы рысвојәтије, де корпә әғылон, де мојнон, де нымож вотә моминон чы ҹанг бе бәзне? Бәвәдә ситәмкорә Шумр ләнәтманди гәтыше Имоми дастә бә ти, бә шымши, јолы-рук һәммәјышон шымшијо дәвоније! Корпә әғылон әләтәш мандин, бәвон ов доәкәс ныбе, бо ови шәкәсон чоли сәдә әбәди мандин, моон вәдә чәвон корпон, һовон дастонсә чәвон ҹывонә боон, әғылон чәши вәдә чәвон дәдон, амујон ијән дајон, сипиришон чәши вәдә ҹывонон, нуперәсон чәши вәдә сипиришон, мылхәс, Имоми дастә һәммәј шәһид кардә бе! Хыдо ләнәт быкә бәчәвон хуни баис быәкәсон! Амин!

            И һәзо чоса соре ки че дынјо ҹәми шион һа сор бы ружи јас гәтејдән бо Имоми (ә) ијән деәј бә иврә шәһид быәкәсонро, әзодорәти кардејдән, Ашурә ружи Әләм новнејдән, зәмин-осмон һәммәј бәмејдә бо ислами шәһидон!

            Ымруж ҹәми шион јасәдән, һузрәдән! Ымруж әмә һәммәј мәрсијә, новһә вотејдәмон, синә жәјдәмон, јас огәтејдәмон бо Имоми (ә)! Интаси чәмә огәтә чы јаси, һузри, чәмә ру кардә чәшәарсон, һандә мәрсијон ијән новһон, чәмә жә синон һич ғыјмәтышон әбыни, еһанә чәмәһон һар гыләјни че Хыдо һәхи, чәмә мыборәкә Имомон (ә) роәдә шәһид бејро һозы ныбо! Имом Һусејни (ә) ғырбон доше ыштән ки, ислам быжијы, шиәти быжијы, һәх ғалиб бо ҹәми дынјоәдә! Имом шәһид бе, әмма ислам жијәј! Гирәм әмә ымружнә ружи ислами, Хыдо, һәхи роәдә шәһид бејро һозы ныбомон, бә ҹиһади һозы нибомон, бәвәдә нә мысылмон әбыни дынјо димәдә, нәәнки ислам әбыни! Әве чәмә Ашурә ружи гәтә чы јаси ым фәлсәфә һар гылә шиә мысылмон чок-чоки сәрәсәнине, бы имтоһони һозы быәнине!

            Хыдо ижән рәһмәт быкә бә Имом Һусејни (ә) ијән бәчәмә ҹәми шәһидон! Хыдо әмәни һәммәј Имоми сәрбози ғысмәдә бәрғәрор быкә иншаллаһ! Хыдо бәчәмә һар гыләјни шәһидәти ғысмәт быкә иншаллаһ! Имом сәвоб быдә бәшмә һәммәј, һа чәмә азизә мысылмонон, шион, чәмә хосә толышә хәлғ! Ымруж Толышыстон бо һар гылә толыши Кәрбәло быәнине, чәмә хосә Вәтәни озоди роәдә ҹиһоди һа руж боәмә Ашурә быәнине! Чумчыко Имоми (ә) еһтијоҹыш ныбе ки, ыштә вәјшти ғәзәнҹ кардејро шәһид быкә ыштәни! Әв шәһид бе ки, ислам быжијы, әв шәһид бек и, әмә быжијәмон – шион, мысылмонон, толышон быжијын! Есә әмә Имоми шә рој нышомон, нә мысылмонәти нибәбе, нә ислам нибәбе, нә шиәти әбыни, нәәнки толыш әбыни!

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|