ДАНДОНЭ ДОЖ ОДЭМИ БЭ МЭЗАНДЭРОНЭН БЭБА!

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 57 голосов)
Изменить размер шрифта Decrease font Enlarge font
image

 

ДАНДОНӘ ДОЖ ОДӘМИ БӘ МӘЗАНДӘРОНӘН БӘБА!

 

-Јалла, Амјәзо!

-Вуј, јалла, ым чы сәдоје аз мәсејдәм? Зә, тыниш, хосә Амјәзо!

-Азим, зә, азим! Чиче, чич быә, анә чочин омејдә бәты чымы сәдо?

-Зә, бахтәвәри зоә, ышты мәвужи һич хәбә ни чы дынјоку! Һәлә и кәрә дијәкә бә сајти, буни чан вахте ни ыштыку хәбә-әтә! Бәмы чочин ныво, бәс чич быбу? Анә вахти ниш мәјдонәдә, һандәкәсонән һәни јодошонән бекардә ышты ном, есә бешәш бә мәјдон ки, азим, аз!

-Есә ышты вотәј чиче, бешум бышум?

-Чыконҹо занг кардејдәш ки, беше шеј пијејдә?

-Зә, мәсәмбе ки, шымә – жинә толышон кам ғонәғдо бәбен, бовә кардәм ныбе. Омәме, ијом, ышты һамсијәдәм.

-Вај нәнә, рысво бим ки! Зә, ты лап одәм беабру кардәкәсиш ки! Ым чы ко бе, аз кардыме?

-Вәсе, зә, кам ваш-вуш быкә! Бовәм ни бәшмә! Чок зынејдәм ки, есә әлбәһол хәбә бәстәнеш ки, чы әҹәб омәш?

-Зә, ты чымы дыли һандејдәш? Чы зынәј ки, әј бәпарсем?

-Вотымехо, бәмы вотәшонбе чәмә жинә толышон һәхәдә... Меһмон бәрәсими дәнывардә, әлбәһол бәпарсен ки, хәј быбу, омәш, кејнә шејдәш?

-Зә, тынән лап чыми ҹыри бемәкә һәни, вәсе! Аз зынејдәним, ки чичыш вотә бәты, әмма чәмә тәрәфонәдә һәмон сыханон вотејдән Ланкони шәһри ҹәмати ијән Бырәдиговыжон һәхәдә. Диј одәм, фәрғыш ни, пенә толыш быбу ја жинә толыш, һич вахти жәго сыхани бәштә зывон әвәни. Ты ки ыми чок зынејдәш! Аз зынејдәм тыни, ғәсдонә, фырсәт егынијә бәшты даст, әве һеј пејарыш кардејдәш бәмы! Ыштә дардым није! Есә ым материал сајтәдә бебәше, чәјо чымы дијовыжон һај гыләј тәрәфо ебәгынен чымы сәпе ки, бочи әмәни рысво дојдәш карде?!

-Аз чич быкәм ки боты? Ты ниш бәгәм маштәнәку бә парсы гәтә мыны? Ыштә зәифә вырәј зынејдәш, һич ныбо, камиши һоди быбијәни! Гәвы ноә Хыдо роәдә, һа вотејдәшһа!

-Чоке, чок, бәштә гиј гәтејдәм. 1:0 бәшты хәј! Есә бој зәрфәти бынәмон бә и кәно, хәј быбу омәш, ыштәнән әнәхәбәдә, бывот, һәни дылым тәкәј!

-Бәвотем, ижән дәбәмандеш бо парс дој ки, ым чы гәпе, ты жәјдәш? Дандоным дәжејдә, омәм ки, мыолиҹә быкәм ијо.

-Хыдо ләнәт быбу бә шәјтони! Зә, аз бәболәжә парс ныдәм, чич быкәм? Ки бовә бәка ки, бы јоли мерд мәвотбән гыләј дандони дожи дасто омә анә рој! Бы вош-вәшәдә, ғыјомәтәдә, сардәдә, ҹәмат ыштә пыә ғәбисә шејдәни, тынән вотејдәш ки, аз бовә быкәм ки, дандонә дожи вардәше ты?

-Винде? Аз фәғыр ыштә зынәј зынејдәмәни! Вотымехо, бовә нибәкаш! Есә чич быкәм ки, ты бовә быкәј бәмы? Ғәссәм бәһәм боты сини бы вахтәдә? Бәс ты мәсәни ки һа, дандонә дож одәми де бә Мәзандәронән бәба бебәка?

-Һмм!.. Ыштәнән зынејдәним ки, маштә-маштә кәо бешеәдә ки беше бәчымы нав? Ым чы әдовәте, ты бәчымы сә вардејдәш? Зә, бахтәвәри зоә, аз фәғыр чокнә бовә быкәмхо бы сыхани? Бәки бывотош ыми, бәсыре бә одәми! Ышты жијә мәһол жәго јәне хәробә быә ки, гыләј дандонә дожи бырнијәкәс пәјдо ныбе әјо? Бәлкәм нохәшхонә, һәким ни вәғынәј? Ым бовә кардәнинә сыхане бәгәм?

-Зә, бочи хәробә мандәје? Һич хәробә мандәни, лап ободә мәһоле, нохәшхонәшән һест, һәкимышән!

-Бочи чән нышиш һәкими тоно? Чан руже дәжејдә ышты, быдә бывотым, ә сохә дандон?

-И һафтәје дәжејдә.

-Там быжән зә, чымы гәви омәкә! И һафтәје дандоны дәжејдә, тынән тов вардејдәш? Ты симитәниш, чиче? Һички тов нибәва анә вахти бә дандони дожи! Ја ты мыни бәштә ангыштә пепуштејдәш, јаанки сыхани рости бывот бәмы, бочи омәш?

-Нә тыни бә ангыштә пепуштә фикәдә ним, нәәнки ду вотејдәним бәты. Ышты нырәсә ҹәһәт бәвәдәј ки, тосә охој дојдәниш ыштә парси, поәј сыхани вотејдәш, мандә поәј огәтејдәш!

-Коме ки ә мандә поә, бывот, быдә азән бызнымәни!

-Вотыме ки, нохәшхонән һесте әјо, һәкимән. Бочи ныпарсәјш ки, дарды кон гуши бынәдәбе ки, нышиш әјо бә һәким?

-Быдә ышты вотәј быбу: бочи нышиш бә һәким?

-Һа, ым ҹо мәсәлә. Гәдә-гәдә нез омејдәш бә мәтләби! Шәбиме, хосә Амјәзо, шәбим!

-Чич бе, вотышоне, “сијош”, әве ғәбул ныкардышоне?

-Зә, мәсырвон мыни, чы “сијо”, чы “сипи”? Ым чы сыхане? Бә һәкими чичи гәрәк, нохәшин сијоје ја сипи?

-Бәс чич гәрәке бә һәкими?

-Пул!

-Вај нәнә! Воте пијејдә ки, ышты анә пулы ныбе ки, гыләј дандони дожи быдәј бырне?

-Пул, шык бә Хыдо, һестбеје, әмма чәвон вотә пул ныбе! Зә, нәнәмардәј кинон анә пулышон пијәј ки, ыштәнән пәшимон бим боштә оме! Мәбләғыш ки воте һәкими, ајбым омәј әлбәһол бәштым бышум. Ышты вотәј ныбу, урусә мојнә чымы думо әвоти ки, “ым сијоән жыго беше”! Вотем, чан руж дәбәкәше мыолиҹә? Һа пеһандыше, жыго мәлум бе ки, десә 10 ружи дәбәкәше: ымруж бәтырнемон, бәкандемон, чәј мојә бебәкамон, маштәнәку жәго мыолиҹә бәкамон, чәјо пломб бәномон, чыбызным һәни чич... Азән вотем, ә мәбләғи ижән де тәһәри әдәјм бәшмә, интаси бы вахти мәсәләдә бә пучијон бекарде! Бешим омәјм бә кә.

-Ыми сәрәсәјм ики, омәјш бә кә. Дандонә дож чокнә бе чән? Оманде?

-Бахтәвәртику гәп жәјдәш! И һафтәбе дәжејдәбе. Әғылон анә ловә-мыннәт кардышоне, мәҹбур мандим, омәјм ијо. Омәјм вотеәдә ки, есә деты гәп жәј бәпештә кам мандә пәшимон быбум боштә оме!

-Бочи пәшимон бејдәш ки?

-Маштәнәку анә сыханоны вотә бәмы, аз пәшимон ныбум, бәс ки быбу?

-Зә, вәсејәни, бәштә деғыжәти дәмәнә! Гыләј сыханбе, вотымејәни! Дандонику бывот бәмы! Хыдо бәшты дышменијән ғысмәт ныкә дандонә дож! Чичы карде зынәј?

-Һичи, чич бәкам ки? Шим ымруж бә һәким, кандыше, зәһәш ној, едоше чәј сәпе де мывәғғәтијә пломби, дандони дож обыријәј, азән омәјм бә кә. Хыдованди, омә һафтә бебәкарде чәј мојә, чәјоән пломб бәно, вәссәлом!

-Һа жыго шојә хәбә быбуш, чымы дыли ширә барде ки!

-Һежо тынән шојә хәбә быби, хосә Амјәзо! Интаси ижән чок сәнырәсәјм тыни, нывотехо, бәзнем тыни винде, ја не?

-Ышты кәјнәныбу, һа деғыжа! Зә, аз ышты дандони һајәдә, тынән ыштә лузи һајәдә! Боје, бој, кә ғырбоне бәты!

-Һа, ым бәмы хош омәј! Бә вәјә боәмон бәшты кә! Жәго һардәкәс быәбәјм, һич нәвотиш! Сыхани рости, бә кә оме фикәдә ним, һәкими анә кандәше дандон, сәм һәлән бә гижлә шејдә. Зангым карде ки, гыләј хәбә-һол  быкәм деты, һәмән вахты быбо, бомеш бәныштемон дыглә амјәзо, искани чај пебәшомемон. Иншаллаһ, тикәј бәштә бом, чәјо бә кән бомем! Сәломәт быманд, сәлом бывот кәдә!

-Әлејкумәссәлом! Хыдо ныгыны бәшты ҹони!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|