Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ТОЛЫШ ЫШТЫ ШИНӘ-ШӘКӘ МАҺНЕЈОН БӘ ЧӘШЕ, ХОСӘ ҒЫСМӘТ ХАН!
Ыштән-бәштә бә пыт-пытим ладинәку! Зә, чы хәбә бәчәмә толышон? Ым чы озоје, егынијә бәчәмә дылә? Де зубәзу бәштә омәмон Мәһәррәмәли дај вајә хәбә бәмә рәсә ружику, есән Ироно хәбә омәј ки, Армини бә нохәшхонә ноәше чәмә хәлғи јолә ханәндә Ғысмәт Хан! Һандәкәсон јодәдә бәбе мәвужи, хәјли бәнав нывыштәмонбе ки, Ғысмәт нохәше. Чандә толышон марзи бы тонәдә, Русијә ијән ҹо мәмләкәтонәдә мандин бә ловә бә Хыдо ки, мәрәзи быгордыны чәјку! Шык бә Хыдо, мыстәҹәб бин чәмә дывон, перәхәј чәмә Дыли Лығмон Ғысмәт Хан! Есә ижән чич быә, чичыш һардәбу, чичыш кардәбу, зардыш жә бәштә, мәз гынијә бәј, һичи әзыним воте ки, чәмә һандәкәсонән сәрәсын, бызнын, бочәј кон дарди, мәрәзи дыво быкән бә Хыдо! Иглә ыми зынејдәм ки, Ғысмәт нохәшхонәдәј! Әмоне, һа Хыдо, ғымиш мәби бә Ғысмәти! Һәлә чандә дылон шо кардәнине, чанәдә сәринә ов пешандәнине бә дардмандә дылон, чанә вәсф кардәнине чәмә Толыши ијән толышон, чанә лајла жәнине гофе сәдә, чанә бә шо бовнијәнине һәлә әмәни! Рәһм быкә бәчәмә Ғысмәт Хани, Хосә Хыдо! Рәһм быкә бә Толыши ијән толышон!
Хосә толышон! Дыво быкән, ловәманд быбән бә Хыдо ки, Әв комәг быбу бә Ғысмәт Хани! Толыш ышты шинә-шәкә маһнејон бә чәше, Хосә Ғысмәт хан!