Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
БӘДБӘХТӘ ТОЛЫШ
Мирфәјаз Ликмәкони
Бәһытеш дас бә кенә, чанәдә, бәдбәхтә Толыш!
Бәвиндеш чок бә ружон һанәдә, бәдбәхтә Толыш!
Чы дынјо чо тәрәфо охо омедә ышты соәх,
Бәштә бој ты, оғо бы охобәти фиккә и дәғ.
Одәм сутдә-евәшдә, ә кәс боты кардедә ләғ,
Сәјку де бә почә нохсанәдә, бәдбәхтә Толыш!
Мәғдони Искәндәри мот кардә одәм ты ныбиш?
“ӘВҺЕСТЕ” китоби мәјдон вардә одәм ты ныбиш?
Золыми, мәлуни хун ебардә одәм ты ныбиш?
Бочи мандәш бәс ысәт јанәдә, бәдбәхтә Толыш?
Рәшто, Нәминош гәтә, Биләсә, Мығон Толыше,
Лик Толыш, Масал Толыш, Осторо, Ланкон Толыше.
Бандонымон Толыше, инә зывонмон Толыше,
Чанди бывтоме? – Толыши Ханәдә бәдбәхт Толыше!
Зывоныш, банд-ку, һалыш, һәм милләтиш, һәм Вәтәниш,
Ышты зывон вотедә Һәзрәти Адәмән тыниш.
Выроно вәјшт доә Хыдо, Тарых һежо ты ыштәниш,
Һәлә бот киј ышты имконәдә, бәдбәхтә Толыш!
“Чыл сор нокә жијесә, и руж озоджије чоке”,
Ыми әвот ышты мәрдә быләбандыж Попоке.
Исмојли хун һырије, шәк ныше һички пехоке,
Әғә бәш ты ыштә сыханәдә, бәдбәхтә Толыш!
Бәшты јурди ысәт вәләдзинон “Ҹәнуб” вотедән,
Вишоны анҹә бедән, зәминоно мылк гәтедән.
И поә ноҹинсә балон толышиәтику витедән,
Бәхты һич нывај бы девранәдә, бәдбәхтә Толыш!
Сулһ-Ибе-Имон-Ростбе азизә шуары кыве?
Дышмени мәф кардәше, мәрдә балоны певло бе.
Һич ыми фик кардәниш, чан гылә Алим шәһиде?
Чан гылә кијә окышјәј канәдә, бәдбәхтә Толыш?!
Быми шаһид Хыдоје, дынјоәдә нығлә рәғы һест,
Јолы һест, Рәһбәры һест, Имконы һест, Бојдәғы һест.
Һич вахт һәх доә бедәни, бо һәхи сәјро һәхы һест!
Ышты оләт ҹо кәсон танәдә, бәдбәхтә Толыш!
Бәһытеш дас бә кенә, чанәдә, бәдбәхтә Толыш?
Бәвиндеш чок бә ружон һанәдә, бәдбәхтә Толыш!
Лик-Боку/12.01. 13
Добавить коментарий
Комментарии (1 добавлено)
-
Опубликовано magerramali, 01 Июль, 2013 20:32:232 gla ro hesde.1)Toloshi zeifeti di inceseneti ro gabarig nushu doe.2)Toloshibashte inomin be incesenet.teerif karde.Musbeti regem-eded reklam karde.Chin 2 glada kon gla be nav hereket bava Boli.Ti incesenetish.be ti peshtipurimon!Ti chama yola zoash!Ishti xotomon pide ishtiku senetmon pida.Ti Toloshi talantish!