hЫРД-hЫРДИ

 

ҺЫРД-ҺЫРДИ

Мирфәјаз Ликмәкони

Виндәм Толыши, толшәти әјон бедә һырд-һырди,

Бә золыми чы Толши зу бәјон бедә һырд-һырди.

 

Әмә ғәрәјз Хыдо һичи пештмон ни, ыми бызнән!

Әве де Хыдо имдоди мәјдон бедә һырд-һырди.

 

Әшанго бә һанән дәшәбим аз, жобызын, ростән,

Лерик бедә Лик, Ләнкәран Ланкон бедә һырд-һырди.

 

Ә кәс нодоне, зындәныбусә зудоне дышмен,

Әве бызынән чок, чәмә кон гон бедә һырд-һырди.

 

Ын зәмонәдә ибеәти ве воҹибе Толыши,

Ныбу ғырјәтнә зон, вырә зиндон бедә һырд-һырди.

 

Де дышмени Ҹанг карде, Һәхи номинә ҹанг кардеј,

Бочи кали толшон бәмә шәјтон бедән һырд-һырди?

 

Вәсе һәни, ај Мирфәјаз, кам мандә, ты сәбринби,

Иншаллаһ, озодә Толышстон бедә һырд-һырди!