ТЫРК БЕДЭМОН

 

ТЫРК БЕДӘМОН

 

Һәлол-һәром зындәнимон,

Јәнды ғәјғу мандәнимон.

Һәни толыш зандәнимон,

Мобәчәтон тырк бедәмон...

 

Думнә шәјтон, хәбис бәмон,

Ваштә мырдол, нәҹис бәмон.

Мыртәд бәмон, ноҹинс бәмон,

Чымбәчәтон пок бедәмон?..

 

Моғнәдә зот-ғәлизимон,

Ноғ бә дәлиз-дәлизимон.

Бевәҹә кәхәлизимон,

Һа жыгошә чок бедәмон?..

 

Хәфә выжор әһли бәмон,

Жипо лыртә гыли бәмон.

Чы һәвәси, һоли бәмон,

Каг пеныштә сук бедәмон...

 

Вахтәдә һәх вотдәнимон,

Кә бә ғыблә дутдәнимон.

Жәјдән, бәштә гәтдәнимон,

Охо јарә, чырк бедәмон...

 

Бешдәни бә жычиј сәмон,

Әрәбә согнәдә шәмон.

Бә уруси нокә бәмон,

Варјуша валок бедәмон...

 

Милләти бә бод додәмон,

Бә ныбә дард дәнојдәмон.

Бәштәни зил онојдәмон,

Бо ҹо кәси зик бедәмон...

 

Жыго бышо де низоми,

Толыши һич кәс әзыни!

Бәштәнән бә сәпо һәни,