“ХЭЗЭР-ЛАНКОН” БЕШЕ БЭ КУБОКИ ФИНАЛ - ВИДЕО

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 63 голосов)
Изменить размер шрифта Decrease font Enlarge font
image

“ХӘЗӘР-ЛАНКОН”  БЕШЕ  БӘ  ОЗОРБОЈҸОНИ КУБОКИ ФИНАЛ

            Ымруж футболәдә Озорбојҹони кубоки ҹәвоб нимәфинал матчон дәвардин. Ланконәдә, шәһри стадионәдә “Хәзәр-Ланкони” ғәбул кардыше командә “Боку”. Һандәкәсон јодәдә быәнине ки, иминә нимәфинал матчәдә бокужон ғалиб омәбин де минимал һисоби 1:0. Әве ијоән һәнәки лап сыфтәку пијәшоне башәти быстәнын бәштә даст. Әмма ланконыжон рәјрә мәҹбур кардышоне әвон ыштә тови тикәј кам быкән. Һәнәки шемонәдә һырдә хәтон веј бин, ланконыжон дыләдә Аллаһвердијеви вызмә һәнәки һыҹубәто чәшнавиш сәј. Жыго мәлум бејдәбе ки, озокәшон бәсә һәнәккоронсә веј һәмрәғбин бә ғәләбә. Мылхәс, иминә тајми охојәдә, һаким Елчин Мәммәдови зијод кардә вахтәдә Абдуллајеви жәше зәрбә. Бәвони огордынише чәј зәрбә, әмма Әғәбалә Рәмәзонов дештә дырыстә зәрбә ләпыш дәвонијә ғонәғон бәо – 1:0. Голи жәнҹән Әғәбалә шојвојку еватыше ыштә хомишәј, әве һакими бәј чәшнавиш едаште.

            Дыминә тајмәдә бокужон бәрк дастпочә бин ки, голи әвәзи бешун. Родригес кам манде һисоби бәробәр быкә. Әмма стадиони хывандон сәзукин мандин, имкон ныдошоне бәј гол быжәны. Һәнәк ше-ше лап һози бе. Һакими бә гыләјән ланконыжи – Радомир Тодорови чәшнави доше. Тикәј дәварде бәпештә ХЛ-и еһтијотәдә быә һәнәккоријән чәшнави сәше. Әмма ланконыжон фырсәтышон бә фот ныдој. 81-нә дәғиғәдә Раһид Әмирғулијеви де сәростә зәрбә гырд пәшимон кардыше бокужон – 2:0. Матчи охојәдә толышон гыләјән гол жәј әзнин. Интаси сыфтә бәвони, чәјоән Родригеси перохнише чәвон ҹон.

            Де минволи толышон де 2:1 һисоби бешин бә финал. Финаләдә чәвон рәғиб “Нефтчи” бәбе.

 

Де һәнәки мәрағинә моментон ијо таныш бе бәбе:   “Хәзәр-Ланкон” - “Боку” 2:0

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|