Ланкони полиси идорэдэ гэзиjэ - ВИДЕО

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 6 голосов)
Изменить размер шрифта Decrease font Enlarge font
image

 

“Криминал ијән һодисон”

Ланкони полиси идорәдә ғәзијә

            Апрелә манги 11-дә саат 18.15-дә Ланкони полиси идорәдә гыләј нохошә ғәзијә быә. Ланкони рәјони полиси идорәо доә быә мәлумоти горәнә, шојди ифодә доә вырәдә ди Веләди әһл, дыздијәдә гынокор зынә быә,1969-нә сорәдә моәку быә Ҹәмил Бабајеви (һәмән хәбә дојдән ки, әв гуја ғејри-ғануни наркотики тиҹорәтәдә иттиһом кардә бејдә) пијәше интиһор быкә, јәне шодоәше ыштән полиси идорә дыминә мәртәбәо. Ҹо сәвонон хәбә дојдән ки, әв Полиси идорә чоминә мәртәбәо егынијә бә со. Полисон вотејдән ки, Бабајеви пијәше де жәго рој интиһор быкә ки, еныгыны бә зиндон. Сијобәхтә Ҹәмил сәбәжи егынијә бә зәмин. Жәго вәзјәтәдән роснијәшоне әв бә нохәшхонә. Хәбә дојдән ки, һалијәдә ә хонәхо марде һоләдәј.

            Бә һандәкәсон нәзә ымијән роснејдәмон ки, бә пе нывыштә быәјон Ланкони полиси идорә рәсми хәбән. Бабајеви быјә доә информасијә тәкзиб кардејдә полисон доә хәбә. Бә хәсорәт сәкәси быјә Агили вотәјон бовә быкомон, бәвәдә жыго мәлум бејдә ки, “Ҹәмил сәдо кардә быәбе бә полиси идорә. Гуја полисон вотәшоне бәј ки, вабәдон әј, чумчыко шојд ни. Әв ымруж шә бә полис, пујәсәдә чәшыш кардә ки, мыстәнтиғ кејнә ғәбул бәка әј. Чәјо тарсә ки, һәбс бәкан әј, әве шодоәше ыштән семинә мәртәбәо”. Агил вотејдә ки, “полисон мәрағин быән чәј мардеәдә, әве роснијәшонни әв бә нохәшхонә. Ғәзијәку хәјли дәварде бәпештә гонә һоләдә ошко кардәшоне әв, вардәшоне бә диагностикә мәркәз. Һәкимон умдәво нин ки, перохне бәзнен әј. Тәҹилијә дастәки һәкимон пегәтәшоне Ҹәмил һодисә вырәо саат 11-дә, әмма роснијәшоне әв бә нохәшхонә саат 13:50-әдә. Жыго бешејдә ки, се саат новнијәшоне әв бә шәһри ки, быдә бымарды”. Быми бовә кардејро, быдә һандәкәсон дијә быкән бә видео.: Ланкони полиси идорәдә ғәзијә

 

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|