ОЗОДИ

ОЗОДИ

Бә Ханәли дај номә ҹәвоб

Быбахш мыни, чәшбәром огәтә ты,

Зәмонә дим сијо быбу, шинә Дај!

Чанд соронин бәшты дими һәсрәтим,

Марде чиче? Чәшкә чәмә озоди!

Гонә ружи умр каме, шинә Дај!

Тојкијә шәв әвәз бејдә де ружи!

Ыштән воте “Вәтән, чәшкә әмәни”!

Марде чиче? Чәшкә чәмә озоди!

Ты варде мы бә озоди ҹанги ро,

Воте бәмы “вејән јолә дастәмон”!

Вахт тәмом бә, ә руж һәни лап незе,

Марде чиче? Чәшкә чәмә озоди!

Аз Каһиним, ышты шинә һовәзом,

Аз перәсәм дешты шери, шинә Дај!

Ым чы шере, арыште чымы кәш-пор,

Марде чиче? Чәшкә чәмә озоди!