Мы бывиндом тыни...

 

 

Мы  бывиндом тыни, мынҹыр бәбе дыл, ҹон бәсуте,

Мы нывиндом тыни, гәргиж бәбем, имон бәсуте.

 

Чәшдә зик ваштедә, виндәмбу номәһрәм детыне,

Тат бәкам мижә мы чокнәј, чәшәдәм һан бәсуте.

 

Шымә ројсәм ныфиным кардә, пегордындәм сығ,

Тыни пиә кәс бәгыне һежжо бә зиндон, бәсуте.

 

Воло кардәш бә вә муј, ја чымыку дим гәтедәш,

Һаште зиндондә Ғырон, веј зәмин, осмон бәсуте.

 

Дәхысим аз ки ды аси, бәмы әмма же отәш,

Мәкә пу, чәш бәбе ку, тарә езым гон бәсуте.

 

Ты ки, ыштән бәш отәш, веј гырәјым кардә тыку,

Деты вотдәм, Хыдо чокнәј бәка дивон, бәсуте?

 

Хилгәт ашыг бә, тынән розиш әгәр, ошко ныкош,

Чәј дылыш ов бәбе, ыштән һежо пунһон бәсуте.

 

Толыши Милли Академијә архиво: Хилгǝт//Мы бывиндом, тыни мынҹыр бǝбе дыл, ҹон бǝсуте...